دازت السوطنونس مزيانة خرجات وتعرضاتليها عائلتها باش تهنأها.... داهم اوستن لريسطو.. كان ديجا حاجز طبلة كبيرة فين احتافلو برنيم عادل: (عنقها بجنب) مبروووك ابنتي رنيم: الله يبارك فيك اباباتي... جلسو مجمعين كيهضرو ويضحكو اوستن: (مدور يدو على خصرها وكيهدر فودنيها) مبروك عليك حبيبتي رنيم: (مزنكة) الله يبارك فيك احياتي اوستن: خاصنا نهدرو فواحد الموضوع مهم رنيم: شناهو اوستن: حتى للدار ونهدرو رنيم: وااخة طارق: احم عمي عادل هادي المرة الثانية لي غادي نطلب فيها يد بنتك تسنيم ونتمنا تقبل... تسنيم حدرات راسها وهي كتويل عادل: اولدي فهمني البنت مزاال كتقرا وصغيرة رنيم: سمحولي على التدخل.. مي اش بانليكم يتخطبو والعام الجاي تسنيم ان شاء الله غادي تخرج وديك الساعة الى بغاو يتزوجو مكاين حتى مانع... بابا انا كنعرف طارق مزياان وكنعتابرو خويا طارق: اه انا متافق مع رنيم.. بغيت تكون علاقتي بتسنيم علاقة رسمية وبعلمكم عادل: (بعد صمت) واخة جيب والديك ونهدرو طارق: (بفرحة) واخة غير تهبطو ان شاء الله.. نجي ونجيب والديا عادل: ان شاء الله...... رجعو للدار ودخلات رنيم لبيتها تبدل تبعها اوستن اوستن: جلسي باش نهدرو رنيم: (جلسات) شنو كاين احياتي اوستن: احم بالنسبة لعلاقتنا انا وياك واش غنبقاو هكا رنيم: كيفاش مفهمتش اوستن: غادي نبقاو كل واحد فبيت رنيم: احم ا..انا.... اوستن: (قاطعها) كنهدر على العلاقة الجنسية.. مفهمتش علاش كتهربي مني... واش كاين شي مشكل ولا شي مانع شرحيلي رنيم: (شدات يدو) احم سمحلي احياتي مي مكنتش عارفة كيفاش غنبدا معاك الموضوع.. دبا نتا ولله الحمد نطقتي بالشهادة.. ولكن مزال ماكملتي اسلامك اوستن: كيفاش رنيم: نتا مزال خاصك تختن
