انتاقلات رنيم مع خوتها لدارهم الجديدة.. كانت كبيرة وزوينة وكل واحد عندو بيتو.. مشات معاهم حتى تسجلو فالجامعات وقادو امورها رنيم: عندي حفلة فمدينة اخرى تمشيو معايا شادي: اكيييد علاش شنو غنديرو فالدار رنيم: ههههه اوك.. اوا جمعو حوايجكم نقدرو نجلسو شي سيمانة تما تسنيم: هي لي متعاودش.... يوم جديد شدو الطريق للمدينة فين عندها الحفلة... وصلو مشاو نيشان للاوطيل.. دخلو للبيت كيرتاحو شادي: دبا عندك الحفلة فالليل رنيم: اه تسنيم: حنا نتسناوك غير هنا ياك شادي: تسنايها بوحدك انا غادي رنيم: ههههههه باااز اسيدي... دخلات للدوش خلاتهم مناكرين...... داازت الحفلة وشادي عطاها غير للشطيح والنشاط عاجبو الحال.. كيتسيلفا ويسيفط لصحابو.... دازت سيمانة وهما فديك المدينة... رجعو من بعد ماواعدات شادي تعاود تجيبو..... خدات طموبيل لراسها وقدات البيرمي ديالها حتى هو.......... دازت شهور معمرها تلقات باوستن ولا سمعات عليه شي خبار اختفى بحال الى معمرو كان.... داتها فقرايتها وخدمتها.. مبغاتش تخلي الغنا باش ميضطروش خوتها يخدمو بغات تخليهم مركزين غير على قرايتهم... علاقتها بكارمن مزال كيفما هي والجديد ان كارمن سلمات.. والديها تقبلوها بصدر رحب ورجعات هي دبا كتحاول معاهم هما باش يسلمو وفاش كتوحل كتسول رنيم يا اما كتجاوبها يا اما كتقلب على الجواب وتعطيهلها... بالنسبة لاوستن معارفش بلي ختو سلمات لانه اختفى ومزال معرفوه فين كاين لحد الان.... رنيم: شادي غادي تنوض ولا نخليك شادي: اففف مكاينة راحة معاكم رنيم: راه غنمشيو تسنيم: صافي خليه وياله راه انا تعطلت شادي: شوو كيدايرة.. هاني نايض...... لبس حوايجو وخرجو ركبو الطموبيل وتحركو شادي: فوقاش غاديريلي البيرمي تسنيم: نتا بلا بيرمي مكنشدوكش عاد نزيدوك البيرمي شادي: واش هدرت معاك نتي رنيم: وااااعباد الله سكتو غادي تحمقوني.... وحتا دير تسنيم البيرمي وديرو نتا شادي: واااا الحكرة هي هادي.. علاش زعما هي اللولة تسنيم: حيت انا الكبيرة
