قدات اجراءاتها.. ومشات طلعات للطيارة جلسات وبدات كتبكي... سمعات المضيفة كتعطي التعليمات ديالها... مسحات دموعها ودارت الصمطة هزات تيليفونها لي كانت دايرالو مود افيو دارت الكيت فودنيها وبدات كتسمع الموسيقى.... محسات براسها حتى داتها عينيها... فاقت على شي حد كيفيقها... كانت المضيفة هزات تيليفونها حطاتو فصاكها وهزات المونطو لبساتو... خرجات ضرب فيها داك الريح البارد.. خرجات ابتسامة صغيرة رغم خوفها... سالات اجراءتها ومشات خدات باليزاتها وخرجات.. كدور عينيها كتقلب حتى بانتليها لافتة هازها رجل مكتوب اسمها وهي تتقدم جيهتو وهي حشمانة رنيم: سلام انا هي رنيم الرجل: اهلا بنتي انا عمك اسماعيل... ياله نمشيو... جر معاها باليزاتها ركبو الطموبيل وهما يمشيو.. بعد دقائق كانو وصلو للدار... نزلو الباليزات ودخلو للدار تعرضاتليه مراتو رحبات برنيم ....: مرحبا بيك ابنتي رنيم: شكرا اخالتي وسمحولي ....: لا متقوليش هكا وانا خالتك مروى رنيم: شكرا اخالتي مروى: ياله زيدي دخلي.... دخلو للبيت.. جلسات رنيم وهي حشمانة مروى: اعتابري الدار دارك ابنتي متحشميش.. شوية غيدخلو ولادي وتعرفي عليهم رنيم: (بابتسامة) واخة... بقات جالسة حتى جابليها اسماعيل التليفون اسماعيل: هاهو باباك رنيم: (خدات التيليفون) الو بابا بابا: بنتي سافا رنيم: حمد الله ابابا ونتا بابا: بيخير وراه كلشي كيسلم عليك.. راني هضرت مع عمك اسماعيل وغذا ايمشي معاك تسجلي فجامعتك ويوريك شوية المدينة باش تعرفي تحركي فيها واخة رنيم: واخة اباباتي بابا: كوغااااج ومضعفيش... وفوقما بغيتي تعاودي شي حاجة انا ديما هنا نسمعك وخا نعرف نجي حتى لعندك اوكي رنيم: شكرا ابابا على كلشي.. وكنواعدك غادي ندير كل جهدي باش نفرحك وتفتاخر بيا بابا: واخة هاحنا غنشوفو واش غتبقاي على وعدك رنيم: واخة ابابا بابا: ياله تصبحي على خير احبيبة وغذا انهضر معاك نشوف شنو درتي رنيم: واخة بونوي... قطعات ومدات التيليفون لعمها مروى: اجي ابنتي معايا رنيم: واخة... ناضت تبعاتها حتى دخلو لواحد البيت مروى: هانتي هاهوما باليزاتك بدلي حوايجك والطواليط راها حدا البيت... بدلي واجي تعشاي رنيم: واخة اخالتي... خرجات مروى ورنيم سدات الباب وحيدات حوايجها.. لبسات بيجامتها وجمعات شعرها بشفنجة... مشات للطواليط قضات حاجتها وتوضات.. رجعات للبيت صلات ودعات الله يوقف معاها... كملات وجمعات داكشي ورجعات باليزاتها فالجنب لبسات بانطوفتها.. طفات الضو وهي تخرج.. مع الخرجة تساطحات مع واحد الجسم.. هزات راسها وهي تلقا شاب يكون كبير عليها شوية.. رجعات خطوة للوراء رنيم: سمحلي مشفتكش الشاب: (بابتسامة جانبية) عادي.. نتي هي رنيم رنيم: اه الشاب: انا طه..مد يديه ووجهو.. بعدات وسلمات عليه غير باليد رنيم: متشرفين.... مشات بالزربة وهو تبعها بعينيه
