خذا الضابط أقوالها وهو يخرجها سفيان وبقا الاب ديالها لداخل كيهدر معاه سفيان: صافي ارنيم براكة من البكا اجي جلسي هنا رنيم: لا ديني من هنا مبغاش نشوف وجههم سفيان: واخة... شدها من يديها وخرجها حتى تعرضليها عمها سعيد سعيد: رنيم بنتي سامحي لولد عمك عفاك.. متخليهش يتكرفص فالحبس رنيم: لا اعمي نتا ماشفتي والو.. ماشفتيش شنو دارلي.. ولدك عطاني العصا وحيدلي حوايجي.. ولدك خدالي كرامتي.. منقدرش نسامحو سعيد: هو كيبغيك وفاش عرف غادي تسافري مبقاش فعقلو رنيم: الى مبقاش فعقلو هاهو الحبس غايديرلو العقل... خرجات وخلاتو واقف.... خرج الاب ديالها مشافش جيهتهم مشا نيشان للطموبيل.. ركب حدا سفيان وتحركو..... بعد يومين وصلات الجلسة... كانت رنيم وباباها وسفيان فالمحكمة... أدلت بأقوالها مرة أخرى... وفالاخير القاضي حكم عليه ب3 اشهر لأنه لم يكن هناك اثار ضرب وعنف جسدي... خرجو وهي مفقوصة مي دغيا تناسات فاش تذكرات بلي بقاليها يومين وغادي تسافر وتبعد عليه.... دوزات دوك الايام وهي كتجمع فحوايجها ووراقها والمسائل ديالها.. هاد الليلة كان جاي سفيان ووالديه يتعشاو عندهم.. تعاونات رنيم وماماها حتى وجدو كلشي... سمعو الدقان مشات بالزربة رنيم حلات الباب.. كان سفيان.. جراتو من يديه دخلاتو بالزربة وخرجات عنقات ماماه سفيان: وانا كنت بايت معاك حتى مباغياش تسلمي عليا اب سفيان: ههههه مالك جاتك الغيرة رنيم: توحشتك اخالتي ام سفيان: حتى انا ابنتي.. كيدايرة لباس عليك رنيم: الحمد لله دخلي... دخلاتها وسلمات على العميد ودخلو تعرضاتليهم ماماها سلمات عليهم ورحبات بيهم... دخلو وتسالمو مع باباها... تجمعو وناضت ماماها حطات براد داتاي مع الكاطو... تعارفو وعاد عرفو بلي رنيم كتشبه لبنتهم لي ماتت... وداكشي علاش سفيان تقرب منها... بقاو فيهم... حلات الجلسة بالتعاويد والضحك... تحط العشا وتجمعو عليه سفيان: الناس غذا ايمشيو لكندا.. منتقادوش عوتاني رنيم: (خسرات وجهها) متفكرنيش عفاك سفيان: نمشي معاك الى بغيتي رنيم: اخويا حجااارك يشدوك انا باغة نتفك منك ونتا تابعني الكل: هههههههههه اب سفيان: وبعدا كاين شي حد لي يستقبلك فالمطار بابا: اه عندي واحد صاحبي وهضرت معاه غادي يستقبلها الايام الاولى على ماتقاد امورها اب سفيان: ويي احسن حاجة.. الله يعاونك رنيم: اميييين... كملو العشا وتوادعو.. مشات رنيم تحشات فبلاصتها والخوف مسيطر عليها من المستقبل وشنو مخبي ليها... جات تسنيم تحشات حداها وعنقاتها تسنيم: غادي نتوحشك رنيم: وانا كثر... دخل شادي عندهم شادي: ناعسين حدا بعضياتكم ومخليني بوحدي.... مشا جر ناموسية ديال تسنيم لصقها مع ناموسية رنيم.. وهو يتكا وعنق رنيم من الجهة الاخرى شادي: دبا نتي غادي تمشي لكندا دبري على خوك بشي زعرة رنيم: (ضرباتو) مكتحشمش الباسل شادي: واش هادشي فيه الحشمة... بقاو مجمعين بثلاثة حتى نعسو.. صبح الصباح فاقت الام دخلات للبيت وهي تلقاهم ناعسين بثلاثة نزلو دموعها وهي كتفكر بلي اليوم غادي تودع بنتها بابا: (من موراها) حاولي متبكيش قدامها راكي عارفها كيدايرة ماما: (كتمسح دموعها) واخة............ رنيم مزيرة ودموعها شداهم بزز.. خرجات هي وباباها الباليزات تلقاليهم سفيان حط الباليزات فالكوفر وركب.. ركب حداه باباها.. ورنيم وتسنيم وشادي وماماها ركبو اللور غاديين فاتجاه المطار... بعد دقائق كانو وصلو للمطار دخلو مجموعين... بداو كيسلمو عليها وهي كتبكي بابا: الى غتبقاي كتبكي هكا ياله نرجعو رنيم: (كتمسح دموعها) غادي نتوحشكم بابا: (عنقها) صافي احبيبة.. حنا غنبقاو نهضرو ابيل فيديو كل نهار اوكي رنيم: واخة... سلمات على ماماها وخوتها وصلات لسفيان وهو يمدليها يديه... قربات منو عنقاتو وهي كتبكي سفيان: (كيدوز يديه على ظهرها) براكة من البكا ولا نهزك نهرب بيك وتصدقي لا كندا لا والو رنيم: (ضحكها) ههه صافي واخة... مسحات دموعها وجرات باليزاتها ومشات
