دخلات رنيم للشركة مشات نيشان عند السكرتيرة رنيم: كاين موسيو سفيان السكرتيرة: وي شكون نتي رنيم: صديقة السكرتيرة: اوكي خاصك تسناي شوية حيت هو فاجتماع دبا رنيم: انا مكنتسناش... مشات للبيرو ديالو حلات الباب كان جالس مع بنت كيخدمو شافها وهو ينوض السكرتيرة: سمحلي مقديتش نحبسها سفيان: اصلا مخاصكش تحبسيها صافي غير سيري رنيم: (عنقاتو) توحشتك سفيان: حتى انا.. علاش مقلتيليش جاية نتعرضليك رنيم: (حيدات نظاظرها) حتى واحد مكان عارف سفيان: رنيييم مال عينيك منفوخين واش كنتي كتبكي.. شنو واقع رنيم: (عنقاتو) ختك كتعدب اسفيان هئ هئ سفيان: (دار عند البنت) اكرام من بعد ونكملو ممكن تفضلي اكرام: (بعصبية) اوكي.... خرجات اكرام وسفيان جر رنيم جلسها فالكرسي سفيان: رنيم ختي مالك.. متخلعنيش عليك رنيم: تفارقنا هئ هئ سفيان: واش نتي واوستن رنيم: اه هئ هئ سفيان: ششش صافي احبيبة عفاك متبكيش هو لي خسر بنت بحالك.. متبكيش عفاك رنيم: قلبي كيضرني اسفيان.. مقداش نتخايل بلي صافي العلاقة لي بيناتنا تسالات هئ هئ.. انا مزال كنبغييه سفيان: (كيمسحليها دموعها) صافي احبيبة براكة عليك من البكا راه غادي تزيدي تمرضي غير راسك... كلشي كيتحل بالعقل وتقدرو ترجعو معرفتي شنو كاين رنيم: لا صافي حنا وصلنا لاخر الطرييق هئ هئ سفيان: (بغا يقلب الموضوع) فوقاش جيتي الخايبة رنيم: عاد دبا وصلت سفيان: هاي هااي جيتي عندي انا اللول سعداااتي رنيم: غادي نمشي معاك للدار.. منقدرش نمشي عندهم هكا سفيان: مرحباا نيت راني بوحدي هاد الايام تونسيني.. صبري نجمع وراقيا ونخرجو رنيم: واخة.... جمع وراقو وخرجو دازو على الباليزات لي كانو حدا السكيريتي وركبو الطموبيل وهما يمشيو.... بعد دقائق وصلو للفيلا.. دخلو وداها للبيت فين ترتاح... دخلات دوشات ولبسات بيجامتها.... بقات جالسة فالبيت كتفكر حتى دخل عندها سفيان سفيان: اجي تعشاي رنيم: (بحزن) واخة سفيان: كلشي غادي يكون مزيان متبقايش تفكري بزاف وتقهري فراسك... نزلو كيتعشاو وكيحاول سفيان ينسيها ويضحكها قدر ينجح شوية.............. يوم جديد فاقت معطلة هبطات لتحت ملقاتش سفيان الخدامة: راه فالجردة الالة كيفطر رنيم: شكرا اختي... خرجات كتحك فشعرها لقاتو جالس مع بنت.. جلسات معاهم فالطبلة رنيم: صباح الخير سفيان: صباح النور النعاسة اكرام: (عوجات فمها) صباح الخير
