مشاو جلسو فكافي كيتعاودو.. حسات رنيم بسفيان ماشي تالهيه رنيم: مالك سفيان: (بابتسامة) واالو علاش رنيم: لا والو غير شفتك ساهي ممولفاش ليك سفيان: مكاين والو رنيم: اوكي... هزات تيليفونها كتخربق فيه شوية دخلات للفايسبوك لقات شي وحدين كاتبين فالبروفيل ديال سفيان عيد ميلاد سعيد.. وهي تشوف فيه رنيم: عاد فهمت علاش طالعليك الدم سفيان: (حط يديه على حنكو) علاش رنيم: انا مكنتش عارفة عيد ميلادك اليوم.. المهم عيد ميلاد سعيييييد سفيان: (غوبش) معمرك تقوليلي عيد ميلاد سعيد اوكي رنيم: علاش سفيان: هكاك وصافي ياله نرجعك لداركم رنيم: واخة... خرجو من الكافي وبقاو غاديين وهي كتشوف فيه مفهماتش مالو تقلب هكا اول مرة يهضر بهاد الجدية... وصلو وركب فطموبيلتو وكسيرا بلا مايسلم عليها ولا يفقصها بقات غير كتشوف حتى عيات وهي تمشي لدارها.... داز داك النهار وهي كتصيفط ليه ميساجات فواتساب مكيجاوبهاش... دازت يومين كانت جالسة كتقرا كتاب حتى صونا تيليفونها كان سفيان جاوبات بالزربة رنيم: الو علاش مكتجاوبش ومنخلني اش هادشي سفيان: ايي ديما داخلة سخونة غير بشوية عليك لاطرطقي رنيم: كنتسنا جوابك سفيان: والو غير كنت عيان شوية وصافي.. هادشي لي كاين رنيم: ممم الله يجعلني نتيق سفيان: هههه المهم غذا نتلقاو اوكي رنيم: لا ممسلياش سفيان: اش عندك بالسلامة رنيم: غذا غادية للحمام سفيان: هههههه مسطية.. واااخة الالة حتى لبعدو ونتلقاو رنيم: اوكي ان شاء الله سفيان: ياله باي..... قطعات وحطات تيليفون وهي دخل ماماها ماما: معامن كنتي كتهضري رنيم: غير مع واحد الصديق ماما: مممم صدييق رنيم: والله اماما راكي عارفاني كيدايرة ماما: واخة ياله اجي معايا.... ناضت تبعاتها دخلو للبيت كانت ماماها كتخمل.. ياله عاونيني نهز هاد السدادر رنيم: واخة.... تعاونو بجوج كيهزو حتى دخل باباها بابا: اش كديري رنيم: والو ابابا بابا: سيري لبيتك تقراي رنيم: غير نكمل مع ماما الهزان ونمشي بابا: انا غنكمل عليك غير سيري... دخل لبيتو ولبس كيطمتو وهو يجي هز لمراتو السدادر وعاونها فالتخمال.. رجعو داكشي كيف كان عاد كملات التسياق قدام الباب ديال الدار........ صبح الصباح ناضت الام ورنيم وتسنيم جمعو حوايجهم والسطل ديال الحمام وهما يمشيو.. دخلو شدو بلايصهم وبداو يغسلو بداو بالحنة هي اللولة عاد بداو الحكان امرأة: عفاك ابنتي حكيلي ظهري رنيم: واخة اخالتي.... ناضت رنيم كتحكليها ظهرها وبدات تسول فيها امرأة: شنو سميتك ابنتي رنيم: رنيم اخالتي امرأة: زوينة سميتك وشحال فعمرك رنيم: 19 العام امرأة: تبارك الله ايوا وشنو كديري رنيم: كنقرا امرأة: مزيان ايوا مخطوبة ولا لا رنيم: وعلاش كتسولي امرأة: الصراحة عجبتيني ومكرهتكش لولدي رنيم: (تعصبات) اش عجبك فيا بالسلامة فين عمرك شفتيني ولا هضرتي معايا امرأة: (بابتسامة) انا ياله شفتك وعجبتيني رنيم: (مداتليها كيسها) شدي اخالتي كيسك امرأة: مالكي معجبكش الحال.. خاصك تزوجي ماحدك صغيرة والا غادي تبقاي بايرة.... حطات الكيس وناضت جلسات بلاصتها وهي مغزفة كون مجاتهاش المراة كبيرة كان ممكن تضربها 《 لا يوجد شيء اسمه العمر المثالي للزواج فلا هو في العشرينات ولا الثلاثنيات ولا الاربعينات بل هناك وقت مثالي للزواج يأتي هذا الوقت عندما يأتي الشخص المناسب .. فليس مهماً متى نتزوج .. بل من نتزوج.! في معظم مجتمعاتنا يعتقدون أن القطار يفوت سريعا فليذهب القطار إن شاء إذا كان الثمن هو الذهاب إلى وجهة لانريدها...》 وصحيح من قال ان أول عدو للمرأة هو نفسها
