تعشاو وهما كيتعاودو ويضحكو.. كملو العشا وهو ينوض سفيان وهزها... دخلو لبيتهم وتكاو وهما محشيين فبعضياتهم اكرام: (كتلعب فصدرو) باش كتحس سفيان: السعادة.. الحب.. الشوق.. العشق... كاع الاحاسيس تخلطو عندي اكرام: غادي تبقا تبغيني ديما بحال هكا سفيان: انا كل نهار كنزيد نبغيك اكرام: (عجبها الحال) الله يخليك ليا احياتي سفيان: ياله نعسو راه غذا تابعنا السفر اكرام: واخة احبيبي.. بونوي سفيان: بونوي.... طبع قبلة على شفايفها ونعسو.... يوم جديد فاقو العرسان لبسو حوايجهم وتقادو.. ديجا حوايجهم كانو مجموعين.. توجهو للمطار وركبو طيارتهم لي فاتجاه جزيرة كوليب بالتايلاند... بعد عدة ساعات وصلو.. كانو ديجا حاجزين جناح فالاوطيل.. دخلو ونعسو باش يرتاحو من السفر....... بعد مدة فاقت اكرام لقات سفيان لايح يديه عليها ومحشي فيها.. ناضت بشوية ودخلات للدوش... دوشات وخرجات لبسات دوبياس فالابيض مع شورط قصير وتيشورت... نشفات شعرها غير بالفوطة وخرجات للبالكون.. تبهرات بجمالية المكان وخصوصا كان ديك الساعة غروب الشمس... بقات واقفة وساهية فالمكان حتى حسات بشي حد عنقها من اللور اكرام: (حطات يدها على يديه) ارتاحيتي سفيان: ماحدي حداك انا ديما مرتاح اكرام: (بابتسامة) ممم سفيان: ههههه شنو لي ممم.. اجي معايا ندوش اكرام: انا ياله دوشت غادي نفزك الى دخلت سفيان: (هزها وغادي باتجاه الحمام) حنا دبا تزوجنا يعني اي حاجة خاصنا نديروها بجوج ونتي زربانة دوشتي ودبا غادي تعاودي دوشي اكرام: ولا مبغيييتش.. طلق منييي سفيان: لاء مطالقش... دخل للدوش وسد الباب وهو يحطها.. بدا كيحيد حوايجو وهي جامعة يديها عندها ومخنزرة.... بقا بالبوكسر وقرب لعندها كيحيدليها الحوايج اكرام: (تزنكات) اويلي هدا سفيان: ههههههه.......... خرجو ملويين فالفوطة وهو كيضحك عاجبو الحال اما هي غتموت بالحشمة.... لبسو حوايجهم وشدها من يديها خارجين اكرام: فيا الموت دالجوع سفيان: هاحنا غاديين احبيبة نتعشاو... خرجو من الاوطيل غاديين فاتجاه البحر.. بعد لحظات بانت لاكرام طبلة صغيرة تما ومحاطة بالشموع... قربوليها سفيان: ياله احياتي اجي تجلسي اكرام: (بانبهار) هادي طبلتنا سفيان: اه.. جبدليها الكرسي جلسات وجلس قدامها... العشا كان ديجا محطوط وبداو كياكلو اكرام: (شافت فيه) شكرا سفيان: (شد يديها باسها) غير حيدي شكرا من قاموسك.. انا هو نتي ونتي هي انا.. حنا دبا شخص واحد مابيناتناش شكرا اكرام: (عينيها كيلمعو) واخة... كملو وجلسو كيهدرو مستمتعين بالجو حتى ناض سفيان وداز من موراها.. جبد عقد من جيبو وركبوليها اكرام: (حدرات عينيها كتشوفو) واااو زوييين.. شكرا احبيبي سفيان: (حشا وجهو فعنقها) شنو قلنا على شكرا.. عضها عضيضة صغيرة.. هاد المرة الى عاودتيها غادي ناكلك اكرام: هههه صافي واخة.... دورها لعندو وغرقو فقبلة مليئة باحساسيس الحب والشكر والامتنان
