رنيم: عطييني الفنكيش ديال خالتو تسنيم: هههه هاكي شدي رنيم: ما شاء الله على الصغيور ديالي... معااذ فيق براكة من النعاس تسنيم: لا لا اختي خليه ناعس.. راه غير يفيق ايبدا فالبكا معاذ: هئ هئ هئ تسنيم: (عوجات فمها) هااشنو قلنا الكل: هههههههه... يوم جديد فاقت مريم لقات والدين شادي وصلو مع كانو شدو الطيارة فاش سمعو الخبار هناء: (عنقاتها) على سلامتك ابنتي مريم: الله يسلمك اماما.. كيدرتو مع الطريق هناء: مزيان الحمد لله... كيبقيتي دبا مريم: دبا مزيان الحمد الله عادل: (باس راسها) على سلامتك ابنتي مريم: الله يسلمك ابابا شادي: (بفرحة) بابا اجي تشوف ولدي عادل: هههه زيد مريم: شادي قوليهم يجيبوه لهنا حسن شادي: وااخة...... خرج هو وباباه طلو عليه وطلب من الفرملية تجيبو للغرفة عادل: (بافتخار) مبروك عليك اولدي شادي: الله يبارك فيك ابابا....... رجعو لعندها ودخل الفنيكيش... هزاتو هناء وهي كتسمي بالله هناء: ما شاااء الله...... كانت مريم كتشوف فيهم وعلى وجهها ابتسامة حتى تحل الباب ودخلو اخر اشخاص بغات تشوفوه.. تمسحات الابتسامة فور رؤيتهم عادل: (قرب لعند مريم) الى كان الله سبحانه وتعالى كيسامح شكون حنا لي منسامحوش ابنتي... ومهما دارو كيبقاو والديك لي تعبو عليك ورباوك وكبروك..... خرج هو ومراتو مريم: ماتخرجش بقا معايا شادي: انا حدا الباب ويلا مبغيتيش تشوفيهم مغاديش نجبرك مريم: صافي واخة.... خرج شادي وسد الباب... قربات ماماها منها الام: (شافت الوليد فناموسيتو) مبروك ابنتي مريم: (حابسة دموعها) الله يبارك فيك الام: (شدات يدها باستها) توحشتك ابنتي.. واش مزال ماحن قلبك عليا هئ هئ مريم: الصمت الاب: (جلس فالجنب الاخر) سمحيلي ابنتي عفاك مريم: (نزلو دموعها) عقلتو كنت فبحاال هاد الغرفة كندوز من أسوأ مرحلة فحياتي... نتوما فاش جيتو شنو درتو... ضربتوني وهنتوني ومكفاكومش هادشي صيفطوني مع الكارد ديالكم لدولة اخرى... مطمأنيتوش على صحتي حتى انكم مسولتونيش شكون دار هادشي... فكرتو غير فراسكم وفصورتكم قدام الناس.. مفكرتوش فيا وباش كنحس... ماما الانسانة لي كتكون حنينة على ولادها... بينتيلي غيير العكس وكنتي قاسية عليا... نفيتوني ولحتوني كأنني ماشي بنتكم... للحظة تيقت بلي فعلا ماشي بنتكم... فاش كنشوف ماما هناء وبابا عادل كيفاش كيتصرفو مع ولادهم وكيفاش كيخافو عليهم كنزيد نكرهكم.... ودبا فاش وقفت على رجلي مرة اخرى وبنيت حياتي ودرت اسرة صغيرة خاصة بيا... شخص تعرف عليا وبغاني بعيوبي قبل من كل شي... بغاني ودافع عليا.. 4سنين وانا عايشة معاه شحال من مرة دابزنا مي معمرو معايرني ولا قال كلمة تجرحني.. كان حريص على راحتي وسعادتي... خدم ودمر باش يوفرلي داكشي لي باغا ومانمدش يدي لشي حد.. حتى انه مبغانيش نخدم باش نعاونو... ونتوما لي والديا شنو درتو مع اول مشكل تخليتو عليا وعايرتوني وضربتوني هئ هئ الام: سمحيلي ابنتي عفاك هئ هئ... انا غلطت وكنعتارف.. عفاك سمحيلي وخليني نرتاح ابنتي الاب: (قرب لعندها وعنقها) سمحيلي ابنتي سمحيلي مريم: هئ هئ مسموح مسمووووح
بعد مرور عدة سنوات.. تجمعو الخوت بثلاثة فدارهم لي فالمغرب كيوجدو باش يستقبلو والديهم لي مشاو للحج..... لحظات دخل شادي ومعاه الحاج عادل والحاجة هناء رنيم: (سلمات عليهم) على سلامتكم عادل/هناء: الله يسلمك ابنتي..... من بعد روتين التسلام.. تجمعو كاملين على الطبلة.. كانت تسنيم وراجلها ووليداتها (معاذ وبسملة).. قبالتهم شادي ومريم ووليداتهم (ريان وريم).. وحداهم رنيم واسلام ووليداتهم (جاسمين و نجمة)...... عادل جالس فرأس الطبلة وبجنبو رفيقة دربو هناء.. كيشوفو فولادهم بافتخار.. كل واحد فيهم اسس اسرة ونجح فالحياة الشخصية والعملية.... كملو غذاهم وناضو الدراري خرجو للجردة... بعد مدة خرجو كلهم جلسو فالجردة والدراري كيلعبو الا جاسمين لي جالسة اسلام: لعبي مع خوتك مالكي جالسة بوحدك جاسمين: كلهم صغار وبراهش انا بغيت ابتهاج وابتهال رنيم: ههههه ياك نتي ديما كدابزي مع ابتهاج جاسمين: واهيا مكتخلينيش نقرب لابتهال رنيم: اوا ختها وتوأمها من حقها تغير عليها جاسمين: اوا كان عليك تولديلي حتى انا توأمي ماشي مخلياني هكا بوحدي... ناضت زعفانة خلات كلشي كيضحك عليها شادي: ربي قوليلي هاد البنت شحال فعمرها رنيم: 10سنين ههههه شادي: ميمكنش كنحس بيها كبيييرة نجمة: (جات لعند شادي) بيبي هزني مريم: (عوجات فمها) نتي هزي عليا بنتك وهي فوقما تشوف راجلي كتحوال رنيم: ههههه ماعندي منديرليكم هي كتبغيه وهو غادي معاها فالهبال ديالها شادي: (هزها) نعام احبيبتي نجمة: فوكاش آدي نتزوجو الكل: هههههههههههههههه مريم: صافي كملااات... شوفليك البرهوشة ديال 5سنين اش كتقول... ريااان اجي دي عليا هاد البنت من هنا ريان: نجمة اجي معايا نجمة: (عنقات شادي) لا انا نبقا مع بيبي.... للاشارة ولادهم كاملين كيهدرو بالدارجة حيت كيهدرو معاهم فالدار غير بيها حتى من اسلام كيهدر مع بناتو بالدارجة.. كيهدرو بلونجلي غير فالمدرسة عادل: (شاف فهناء) كنبغيك وكنشكرك على دعمك ليا طول هاد السنين الكل: اوووووووووه... هناء حشمات وحدرات راسها اسلام: (فودن رنيم) اي لوف يووو رنيم: اي لوف يو موور.... مريم هزات نجمة حطاتها فالارض وجرات راجلها شادي: هههههه مسحابليش كتغيري من بنت صغيرة مريم: انا كنبغيك ومنبغي حد يشاركك معايا واخا يكونو ولادي شادي: هههههههه مغيااارة مي كنبغيك مريم: وانا كنموت عليك نجمة: هئ هئ ماماا بيت بيبي ديالي الكل: هههههههههههه اسلام: (خنزر فشادي) عجبك الحال دبا.. علقتي بنتي بيك ودبا كضحك عليها شادي: (هز نجمة) اجي الزوينة ديالي.. اي لوف يووو نجمة: (بفرحة) اي لوف يو توو...... ظلام الحال وهما مزال مجمعين فالجردة.. انظمات ليهم اكرام وسفيان وولادهم ووالدين مريم وطارق........ مريم: (باست ماماها) توحشتك الام: حتى انا ابنتي كيدرتي لباس مريم: بيخيير اماما الحمد لله الام: الحمد لله.... جاسمين جلسات مجمعة مع ابتهاج وابتهال.... الدراري تكلفو بالشواء والبنات دخلو للكوزينة كيوجدو ليصلاد... اما والدين شادي ووالدين مريم جلسو كيشربو أتاي ومجمعين............ قادو طبلة كبيرة فالجردة وحطو الاكل تجمعو كامليين.... كانو اصوات كتيرة كتسمع.. صوت ضحك الفتيات بيناتهم وصوت الرجال وهما كيناقشو مواضيعهم.. صوت الدراري ها لي كيغوت بغا شي حاجة ها لي كيضحك وها لي كيلعب بالماكلة..... كان جو مليء بالفرحة والحب والسعااادة... بدات الكاميرة كتبعد واصواتهم كتنخافض معلنة على نهاية قصتهم النهاية
