سفيان: (حط يديه على راسها) رتاحيتي شوية؟ رنيم: اه الحمد لله سفيان: عينيك مزال منفوخين.. عفاك جيبيلي الثلج الخدامة: واخة اكرام: واش غنكملو خدمتنا ولا لا سفيان: احم اه غادي نكملو.. رنيم هانتي فطري على مانكمل خدمتي رنيم: واخة... بدا سفيان واكرام كيخدمو ورنيم كتفطر حتى جابتليها الثلج وبدات كديرهم فوق عينيها.. بعد مدة ناض سفيان دخل وبقاو غير بجوجات اكرام: شنو بينك وبين سفيان رنيم: كيفاش اكرام: واش نتي حبيبتو رنيم: سوقك ياك جاية تخدمي اوا خدمي اكرام: (فخاطرها) بنت الحرام وحتى داك سفيان ولد الحرام لي مستاغل غياب والديه وجايب هادي لعندو مي غير بلاتي عليه سفيان: (رجع) كنظن سالينا ياك اكرام: (عوجات فمها) اه سفيان: اوكي دونك غذا نتلقاو فالشركة اكرام: مغاتجيش هاد العشية سفيان: لا مشغول اكرام: (فخاطرها) اوا اش غنقوليك بغيت ليك غبارة نتى وياها... احم اوكي موسيو سفيان نهارك مبروك سفيان: ميرسي.... هزات صاكها خرجات وجلس سفيان حدا رنيم.... هاهوما عينيك رجعو مزيان حمد الله رنيم: قلبي اكثر واحد مجروح سفيان: هادي ازمة وغادي تفوت ان شاء الله رنيم: ان شاء الله..... بقاو جالسين حتى تغذاو وناضو فاتجاه دار رنيم..... حلات الام الباب ماما: بنتي رنييم... عنقاتها.. شحال توحشتك ابنتي الحبيبة رنيم: حتى انا توحشتك اماما بزااااف... جا شادي وتسنيم كيجريو عنقوها..... دخلو مجموعين وسفيان انساحب ومشا فحالو.... جلسو كيهضرو ويتعاودو حتى سمعو الباب كيتحل وهما يسكتو.. ناضت رنيم تخبات بابا: (دخل للبيت) السلام وعليكم الكل: وعليكم السلام رنيم: (خرجات) اش هاد التعطيلة اسي عادل بابا: (فرح) رنييييم.... تعانقو.. توحشتك ابنتي.. كيدايرة لباس عليك.. الصحيحة رنيم: لباس الحمد الله ونتا كيداير بابا: منين شفتك بيخير راه حتى انا بخير....... تجمعو على الهضرة والمعاودة حيدو داك الشوق لي كان فيهم... رنيم فهاد الوقيتة نسات كلشي وعطات الوقت للعائلة لي رباتها وتعبات عليها مبغاتش شي حاجة تخسرليهم الجلسة.... بقاو هكاك حتى ناضت ماماها حطات العشا وتجمعو عوتاني على الماكل رنيم: الله شحال توحشت ماكلتك ماما: الله على بنيتي.. كولي احبيبة كوليي
