خرجات الاغنية ودارت بوم فكندا... وجه جديد وزوين مع صوت رائع.. هادشي جذب الناس يسمعوليها وواحد كيقولها لواحد... المعجبين بداو كيبانو فاش كتكون برا.. كيعرفها مرة واحد وجوج.. اوستن معجبوش الحال بهاد الوضع بالاخص فاش كيكونو المعجبين رجال اوستن: (بعصبية) ياله نرجعو للدار رنيم: علاش اوستن: زيدي قدامي... مشاو ركبو الطموبيل رنيم: مالك اوستن: هاد المرة متعاوديش تسلمي على الرجال سمعتيني رنيم: وعلاش اوستن: راني هضرت معاك قلتليك لا هي لا وبلا منتناقشو فيه رنيم: افففف اوستن: متبقايش ديري هكاك وبلا متزيدي تعصبيني... دورات وجهها للزاج بلا ماتجاوبو اوستن شاف فيها وعاود دور وجهو كيسوط..... بعد لحظات وقفات الطموبيل قدام الدار.. نزلات وزدحات عليه الباب وهي دخل.. تبعها وهو يشدها اوستن: اش هاد البسالة عوتاني.. علاش تزدحي الباب وتبداي تسوطي رنيم: (دفعاتو) سمعني انا حتى واحد مكيتحكم فيا فهمتي.. وحتى نتا معندكش الحق تتحكم فيا.. نتا عارفني مزياان كيفاش كنتعامل مع الناس ومعمري خليت شي حد يتجرأ عليا ويفوت الحدود ديالو.. كنظن هادشي فاهمو مزياان دونك بلا ديك الغيرة لي معندها معنى اوستن: ممم اوكي سمحيلي ا انسة... خرج وزدح الباب ديال الدار حتى قفزات كارمن: (خرجات من البيت) مالكم اش واقع رنيم: خوك تسطا وبغا يسطيني معاه... دخلات لبيتها وسدات عليها.. لاحت صاكها وجلسات مغوبشة شوية صوناليها التيليفون رنيم: الوو سفيان: رنيم انا كنبغي رنيم: هههههه هادي ماشي شي حاجة جديدة سفيان: لا هاد المرة بالصح رنيم: مممم وشكون هاد تعيسة الحظ سفيان: بزاف عليك... راه عندها الزهر كيهرس الحجر حيت واحد بحالي بغاها رنيم: يخخ على متكبر.. شنو سميتها سفيان: اكرام رنيم: ممم فين تعرفتي عليها سفيان: خدامة فالشركة ديالي رنيم: ااه مزيان سفيان: مي اول مرة شفتها كانت فطنجة رنيم: ااا فاش مشيتي لداك الاجتماع سفيان: ويي.. الصراحة فاللول بانتلي متكبرة ومكتحملش الرجال رنيم: ودبا سفيان: مزال ههههههه رنيم: هههههه ايوا كيدرتي هدرتي معاها سفيان: مزال مهدرت معاها دبا غير النظرات لي موجودين رنيم: اووه مسكيين.. راك معدب سفيان: واييه مي نصبرو... ايوا نتي كيغادا مع موسيو اوستن رنيم: (عوجات فمها) دابزنا
