دازت الايام ورنيم بدات فتسجيل اغنيتها الاولى وعلاقتها مع اوستن مزياانة وعاجبها الحال حيت احتارم شروطها اوستن: (شاد ودنيها) نتي كيدرتي قبلوك فهاد الماستر.. راك مكلخة ابنتي رنيم: (ضرباتو ليديه) بعد مني خليني نقرا.. شدات راسها بيديها وحادرة كتشوف فوراقها واوستن كيشوف فيها بكل حب اوستن: اجي نعاونك رنيم: زعما غادي تعرف اوستن: نسيتي بلي عندي الدكتوراة وكنت داير نفس التخصص رنيم: (عوجات فمها) ممم ياله ورينا مهاراتك اوستن: (خربقليها شعرها) قربي عندي رنيم: (قدات شعرها) اوكي... جرات الكرسي حداه وبداو كيقراو... منغامسين بجوج فالقراية اوستن رجع جدي ورنيم عجبها الحال... شرحليها كاع داكشي لي مفاهماش... مشا الحال وهما مزال كيقراو حتى بدات رنيم كتفوه اوستن: جاك النعاس رنيم: نو غير كمل اوستن: اوكي... شاد الستيلو كيشرحليها حتى حس بشي حاجة تكات على كتفو دار وهو يلقا رنيم ناعسة وشعرها مغطي وجهها.. ابتاسم وناض هزها.. داها لبيتها حطها فناموسيتها وغطاها اوستن: (باس راسها) اي لوف يو... طفا الضو وسد الباب عليها.. وهو يمشي لبيتو نعس.... يوم جديد فاقت رنيم مدوخة شوية وهي تنوض كتجري.. دخلات عند اوستن لي كان مزال غرقان فنعاسو رنيم: (كتغوت) اوووستن اوستن: (قفز) وات.. رنييم مالك رنيم: شكون داني لبيتي البارح.. اش درتي فيا ياله هضر... زعما راك سنيتي عقد وفيه شروط اوستن: رنيييم سيري خليني نعس واش حماقيتي... رجع تكا ودار مخدة فوق راسو.... قربات لعندو وهي تحيدلو المخدة.. شاف فيها وهو مخنزر جبدها بيد وحدة حتى طاحت فوق الناموسية وهو يوقف عليها اوستن: شنو نديرلك دبا اااا رنيم: (كترمش بعينيها) اوستن اوستن: بدلت السمية.. شنو دبا نتلاح عليك نعنقك ونبوسك وندير لي بغيت فيك رنيم: (بدات كدمع) حرام عليك هئ هئ اوستن: (تصدم) رنيم غير كنضحك معاك.. جلس ونوضها كيمسحليها دموعها.. وصافي احبيبة مدرتش شي حاجة لي تستاهل هاد البكا كامل رنيم: (دفعاتلو يديه) بعد مني متعاودش تقيسني... صارحني درتيلي شي حاجة البارح.. بستيني ياك اوستن: واش مكتقيش فيا رنيم: (عوجات فمها) لا كنتيق فيك اوستن: (كيلعب فشعرها) وحتى انا مدرت حتى حاجة لي نخون بيها تيقتك.. غير رتاحي وتهناي رنيم: واخة هاحنا غنشوفو
