رنيم: فين كنتي هاد المدة كاملة اوستن: (تنهد) من بعد ونهضرو فهادشي رنيم: لا بغيت نعرف دبا كارمن: تسنيم شادي اجيو نخرجو... ناضو خرجو وبقات رنيم مع اوستن اوستن: كنت فالمغرب رنيم: (هزات راسها وشافت فيه باستغراب) اش كنتي كدير تما اوستن: مشيت لفاس وقريت فجامعة القرويين... كنت باغي نتعرف على الاسلام مزيان... اول حاجة درت قريت اللغة العربية وبديت كنقرا القران باللغة العربية... كانو اساتذة تما عاونوني بزاف.... تعرفت على الاسلام بشكل جيد واي سؤال كان عندي لقيت جوابو رنيم: دبا هاد 3سنين كنتي ففاس اوستن: اه.. وفاش اقتانعت وبغيت نسلم جيت لكندا باش تكوني معايا لحظة دخولي للاسلام وعرفت بلي نتي مريضة من الانترنيت رنيم: (حدرات راسها) الحمد لله غير منين عشت هاد اللحظة وسلمتي.. دبا الى جات الموت..... اوستن: (قاطعها) شش نتي مغاديش تموتي سمعتيني رنيم: هئ هئ اوستن: (عنقها) متبكيش احبيبتي عفاك وغاندير المستحيل باش تشافاي تيقي فيا رنيم: واخة.... بقات متكية على صدرو حتى نعسات حطها فبلاصتها وغطاها وهو يخرج كارمن: (عنقاتو) توحشتك بزااف اوستن: حتى انا.. كيدايرة سافا كارمن: وي مزيان ونتا اوستن: شوية مغادي نرتاح حتى ترجع رنيم مزيانة.. بغيت نهضر مع الطبيب ديالها كارمن: اوكي اجي نمشيو عندو اوستن: (شاف فخوتها) شكون هادو كارمن: هدا شادي وهادي تسنيم خوت رنيم اوستن: (ابتاسم) متشرفين انا اوستن شادي: متشرفين... مشا اوستن مع كارمن كارمن: فخبارك والدين رنيم بغاو يجيو مي معطاوهمش الفيزا.. راها من البارح وهي تبكي خافت توقعليها شي حاجة فالعملية ومتشوفش والديها.. وهاد الصباح بغاو يحيدوليها الشعر وهربات.. تما فين تلاقيتيها اوستن: كلشي غادي يتصلح ووالديها غادي يجيو.... دخلو عند الطبيب بقاو كيهدرو وشرحليه حالتها الطبيب: كاقصى حد خاصنا السيمانة جاية نديرلوها العملية اوستن: صافي السيمانة الجاية غديرها.... خرجو من عندو ورجعو لعندها.. لقا خوتها جالسين فالفوتوي وشي واحد جالس حدا رنيم وشاد يديها... غير شاف داك المنظر وهو يغوبش
