تساراو داك النهار ودازو للمول شراليها حويجات وشرا لراسو غير باش يبدل وبيجامة باش ينعس حيت مجاب معاه والو.... دازو خداو 2بيتزات والمونادا ورجعو للدار... دخل طارق دوش ولبس بيجامتو ومريم حتى هي بدلات حوايجها... تحشاو بجوج فالناموسية كياكلو البيتزا وكيتفرجو.... يوم جديد فاقت مريم لقات راسها محشية فطارق... باستو فحنكو وناضت.. غسلات وجهها وقضات حاجتها وهي تمشي للكوزينة... وجدات الفطور داكشي لي كيبغي طارق... مشات تفيقو وهي تلقاه فالطواليط ورجعات.... طارق: صباح الخير مريم: صباح النور طارق: (شاف الطبلة) اوووه اش هادشي مريم: (بابتسامة) الفطور لي كيعجبك طارق: (باس يديها) يخليك ليا اصغيورة ديالي.... بداو فالفطور.. اش بانليك تمشي معايا لكندا مريم: لا بلاش خليني غيير هنا طارق: انا مغادي نبزز عليك واالو.. لي بغيتي ديريه نتي دبا كبيرة ومسؤولة وفوقما بغيتي تجي لكندا تيليفون واحد نجي نجيبك مريم: واخة اخويا...... هكا دوز معاها سيمانة ورجع لكندا.. نفسية مريم تحسنات من بعد لقاءها بالاخ ديالها وعرفات بلي راه فجنبها وغادي يحميها.. قتانعات بلي خاصها تكمل قرايتها وتبني مستقبلها #الحاضر الام: خاصنا نديرو شي حفلة خطوبة ونعرضو على العائلة وصحابنا هناء: وي ضرووري ان شاء الله... بالاخص انه مزاال العرس.. نديرو حفلة نجمعو الحباب والصحاب الام: وفوقاش غيكون العرس رنيم: العام الجاي غاتسالي تسنيم قرايتها ومن بعد يتافقو بجوج على الوقيتة لي تناسبهم الام: ماشي طولتو بزاف طارق: انا وتسنيم متافقين على هادشي.... دامت الهدرة مدة قليلة ومن بعد ناضو تسالمو بغاو يمشيو رنيم: (دوزات يدها على شعر مريم) الله يعاونك ونتلقاو قريب ان شاء الله مريم: ان شاء الله بسلامة طارق: (شاف فمريم) اش بانليك تباتي معاها هاد النهار رنيم: اه فكرة واعرة كاع صافي خلييها مريم: مغاديش نبرزطكم رنيم: لا بالعكس... توادعو ومشا طارق مع والديه الام: علاش خليتيها معاهم.. اش غيقولو علينا طارق: واللهم جالسة معاهم تضحك وتفوج شوية على راسها ولا تمشي الاوطيل تجلس بوحدها الاب: وعلاش اتمشي الاوطيل بالسلامة طارق: متنساوش نتوما جريتو عليها وهي حلفات ماتعاود دخل لديك الدار
