وصل الليل هبطات رنيم تتعشا.. كلاو وناضت رنيم عاونات ماماها جمعو وحطات الام صينية دأتاي جالسين كيشربو.. اما شادي ناض ينعس من بعد ماوبخو باباه وتعشا وهو غضبان... شادي اخ رنيم عندو10 سنوات باسل وغير يخرج مكيبقاش يبان حتى كيجي باباه يقلب عليه ويعطيه العصا عاد يدخل.. سعيد: اوا اخويا حنا جينا هاد النهار على واحد السبب بابا: ياكما كاين باس سعيد: لا كل الخير ان شاء الله.. حنا جينا طالبين يد بنتكم رنيم لولدنا حمزة.... رنيم غير سمعات هضرتهم قلبها بدا كيضرب ودموعها حابساهم بزز.. اما باباها زير على يديه وشاف فبنتو لي باين عليها الصدمة بابا: (بهدوء) بيتكم.. ناضت رنيم وتسنيم طلعو بالجرا.. خويا انا معنديش البنات للزواج سعيد: دبا كترفضنا سعاد: هي ولدنا معاجبكمش.. ولا حنا نيت معاجبينكمش بابا: (مخنزر) كنظن الهدرة بين الخوت سعيد: سكتي نتي.. وعلاش اخويا مقابلش بابا: بنتي مزال صغيرة ومكتعرف تحرك حتى بيضة.. وزيد عليها انا باغيها تكمل قرايتها سعيد: حنا بغينا نديرو غير خطوبة دبا وحتى تشد الباك ديالها عاد يتزوجو بابا: من الاحسن بلاش واصلا انا منبغيش لولدك زوجة بحال بنتي.. انا لي عارفها كيدايرة ياله تصبحو على خير..... ناض وعينيه حومر بالاعصاب وخلا مراتو معاهم.. ناضت جمعات داكشي وجابتليهم الغطا.. خداوه من عندها وهما مكيشوفوش جيهتها... الاب دخل لبيت بنتو لقا رنيم كتبكي وتسنيم معنقاها بابا: (بصرامة) علاش كتبكي رنيم: (كتمسح دموعها) انا ابابا مبغيتش نتزوج.. انا باغة نكمل قرايتي بابا: وشكون قاليك غادي تزوجي.. ياله نوضي تنعسي راه بعد غذا الامتحان رنيم: دبا انا مغاديش نتزوج ياك ابابا بابا: لا غير تهناي... خرج وهي تكا رنيم بلاصتها وحطات يديها على صدرها رنيم: اففف الحمد الله تسنيم: انا كنت عارفه بابا مغاديش يبغي غير نتي الله يهديك جالسة تبكي وتعصبي راسك رنيم: نتي محاساش بيا انا مبغاش نتزوج وزيد عليها مكنحملش حمزة كيجيني تقيل على القلب تسنيم: ههههه فهادي عندك الحق.. ياله نوضي تنعسي رنيم: تصبحي على خير....... صبح الصباح فاقو هبطات الام ملقاتش الضياف وهي ترجع عند راجلها ماما: ملقيتش سعيد وسعاد يمكن مشاو بكري بابا: مزيان ماما: كنظن تقلقو بابا: وانا شنو بغيتي نديرليهم بالسلامة.. ياكما بغاني نزوج بنتك ماما: لا ماشي غير.. بابا: (قاطعها) صافي الموضوع تسد سيري شوفي بناتك واش فاقو ماما: (تنهدت) وخا... داز النهار عادي ورنيم كتراجع حتى وصلات 8 دالليل حبسات وطلعات للسطح جلسات فوق السور وعطاتها البكا وكلينيكس فيديها.... بقات هكاك حتى ارتاحت ومسحات دموعها ونزلات بابا: (كيشوف فعينيها لي تنفخو بالبكا) مزال مبغيتي تبدلي هاد القاعدة.. واش فوقما يكون عندك امتحان خاصك تبكي رنيم: هئ هئ بابا: هاهي بدات عوتاني... واش حماقيتي.. دوزي تعشاي ونوضي تنعسي قبل مانتعصب عليك.... تعشاو وناضو نعسو.. صبح الصباح فاقت رنيم خرجات من بيتها مشات للحمام.. غسلات وجهها وحكات سنانها شافت فالمراية وتنهدات رنيم: كلشي غيدوز مزيان ان شاء الله... رجعات لبيتها ولبسات حوايجها عبارة عن سليم كحل وتيشورت فالكري مع كونفيرس بيضة.. جمعات شعرها كوب شوفال وهزات صاكها وهي تنزل.. لقات ماماها وباباها جالسين فالطبلة دالفطور باستهوم وجلسات رنيم: صباح الخير بابا/ماما: صباح الخير... فطرو ومشات رنيم مع باباها ركبو الطموبيل..... وقفو قدام الليسي بابا: ركزي مزيان وغير بشوية عليك متديها فحد وشوفي غير فورقتك رنيم: واخة ابابا دعي معايا بابا: الله يعاونك
