مريم: (شافت فشادي) زيد سربي شادي: صبري يشعل الضو الاخضر ماالك مريم: هئ هئ سربي شادي: مريم اش وقع مريم: ماما فالطموبيل لي حدانا شادي: (طل وهي تبانلو كتشوف فيهم) تهدني ماتخافي من والو انا حداك مريم: انا مبغيتش نشوف فيها هئ هئ شادي: واخة... تشعل الضو الاخضر وهو يكسيري... صافي احبيبة براكة من البكا مريم: هي مزال تابعانا هئ هئ انا مبغيتش نهدر معاها شادي: مغاديش تهدري معاها غير تهناي وارتاحي..... دقائق وصلو للدار.. كانت طموبيل دماماها تابعاهم غير وقفو وهي توقف.... مريم نزلات كتجري دخلات للدار تلقاتليها دعاء دعاء: مالكي كتبكي ياكما قلقك شادي ههه مريم: (دفعاتها) بعدييي مني... طلعات نيشان لعند رنيم لقاتها كترضع بنتها واسلام شاد البيسي رنيم: (بخوف) مريم مالك مريم: ختي هئ هئ ماما هنا رنيم: (حطات بنتها) شش تهدني اجي جلسي وارتاحي متخافيش مريم: مابغيتش نهدر معاها رنيم: واخة مايكون غير خاطرك... انا نهبط لعندها... لبسات بينوارها ونزلات اسلام: (مدليها كاس دالما) هاكي مريم: شكرا ام مريم: ممكن تعيط لمريم بغيت نهدر معاها شادي: فاش غادي تهدري معاها ام مريم: و اش دخلك نتا شادي: انا راجلها ام مريم: ومن بعد شادي: من بعد غادي تعطيني ظهرك وتخرجي من هنا قبل مانعيطليك للبوليس ووحدة فالمكانة ديالك كتخاف على سمعتها لدرجة تقتل ولادها وتنفيهم غير تبقا سمعتها نقية قدام الناس او لا ام مريم: نتا واحد ممربيش شادي: (بابتسامة) عارف رنيم: شنو واقع هنا ام مريم: بغيت بنتي جيبوهاالي ولا غادي نمشي لعند البوليس رنيم: سيري للبوليس وقوليلهم بنتي لي عندها 20عام تخليت عليها هادي عامين ودبا تزوجات وبنات حياتها وبغيت نهدر معاها مي مخلانيش راجلها ام مريم: حرام عليكم خليوني نهدر معاها رنيم: (تنهدات) مريم مابغاش تهدر معاك وكلما كتشوفك كتفكر داكشي لي درتي نتي وراجلك.. فاش غادي تكون مستاعدة نفسانيا هي غتجي تهدر معاك اوك.... عطاتهم بالظهر ومشات ركبات طموبيلتها... دخلات رنيم وشادي طلعو نيشان لعند مريم رنيم: صافي هاهيا مشات اختي غير ارتاحي مريم: شكرا شادي: ياله نوضي نمشيو لبيتنا.... جرها دخلها لبيتهم... ارتاحيتي دبا مريم: (عنقاتو) اه شادي: (دوز يديه على شعرها) كنبغيك مريم: انا كثر شادي: سعداااتي مريم: ههههه حمق
اسلام: شنو وقع رنيم: (تنهدات) مفهمتش انا هاد الام كيفاش كتفكر.. رمات بنتها وهي فامس الحاجة ليها ودبا جاية بكل وقاحة بغات تهدر معاها.. ب اينا وجه غادي تهدر معاها غير قولي.. الام راه هي احن شخص فالعالم على ولادو... الوحدة تقتل راسها وتقطع من لحمها على قبل ولادها.. والله مفهمت انا ديك السيدة اسلام: انا بقات فيا غير مريم.. هي مزالة صغيرة وكتواجه هاد المشاكل كاملين لي واحد كبير ميتحملهمش رنيم: ليها الله هادشي لي غنقول............. كانو مجموعين كاملين لتحت حتى دخلات دعاء.. كان حنكها كولو حمر عادل: دعاء ماالك دعاء: (نزلو دموعها) هئ هئ عمي انا كنت جالسة ومريم دخلات كتبكي فاش سولتها مالك ضرباتني وعايراتني مريم: (شهقات) اويلي فين ضربتك.. عمي والله ماضربتها دعاء: ضربتيني علاش كتكدبي.. عادل: (قاطعها) دعااااء.. نتي جلستي هنا حيت قلتي بغيتي تبقاي هنا تفوجي شوية وانا هدرت مع والديك يخليوك.. مي ماشي باش ديريلي المشاكل هنا.. مريم بنتي وكنعرفها ماشي ديال هادشي دعاء: ياك اعمي هي عاد عرفتيها كدافع عليها وانا لي بنت خوك كتكدبني عادل: (وقف) صافي بلا داك التمثيل ديالك.. وداكشي لي فبالك مغاديش يوقع غير تهناي دعاء: ك..كيفاش... علاه شنو فبالي عادل: باغة تزوجي شادي راه مستحيل حيت هو مزوج وهادشي دخليه لعقلك نتي وديك بنت عمك فاطمة دعاء: (بتوتر) اش كتقول اعمي هاد الهدرة مكايناش غير كدبو عليك عادل: الى ودنيا رجعو كيكدبو هاديك هدرة اخرى.... مشا وخلاها مصدومة كتشوف... لقات كلشي كيشوف فيها حدرات راسها وطلعات للبيت مريم: (شافت فشادي) اش هادشي سمعت شادي: (دار رجل على رجل) المعجبات كثرو هاد الايام تسنيم: هههههههه الله يمسخك مريم: (قلبات وجهها) ممم مزيان الله يكثرهم هناء: متقلقيش ابنتي راه ولدي مكيعرفش يضحك شادي: (دوز يدو مور ظهرها) غير كنضكك معاك ونتي على سبة ههههه..................... مرت اسبوعين بسرعة البرق واقفة تسنيم لابسة جلابة مع صباط طالون وطالقة شعرها تسنيم: اففف متوترة رنيم: (بابتسامة) منقدرش نصحك حيت انا هادشي داز عندي بالزربة... تزوجت فالكلينيك هههههه اسلام: (من موراها) وماالك معجبكش الحال ولا شنو رنيم: ههههه لا عجبني وبزااف كاع.... ياله زيدي قبل مانتعطلو على السيد راه من قبيلة وهو يصيفطلي ميساجات فينكم تسنيم: ونتي لي محيدالي التيليفون مخليتينش نهدر معاه رنيم: ههههه زيدي زيدي...... مشات تسنيم ووالديها ورنيم واسلام تلقاو بطارق وختو مريم وشادي...... دخلو للعدول عقدو قرانهم واصبحو زوج وزوجة طارق: مبروك علينا تسنيم: (حدرات راسها) الله يبارك فيك
