بابا: علاش مقلتيش لينا راك جاية نتعرضوليك رنيم: بغيت نديرهالكم مفاجأة شادي: ونتي لاش جاية ياك حنا جايين ولا باغة ديريلنا العصا فالرويضة ماما: هي جاية تشوف ماماها وباباها ماشي سوقك رنيم: راني توحشتكم الموصيبة وهاحنا غنمشيو بثلاثة بينا تسنيم: يااي متحمسة ماما: (بحزن) غادي تخويو عليا الدار بابا: مستقبلهم هو اللول رنيم: الله يخليكم لينا بلا بيكم ماكنا غنديرو والو تسنيم: اه الله يخليكم لينا ياربي بابا: (شاف فشادي) تعلم شادي: انا غادي دبا لكندا فاش تبغيو تهضرو معايا شدو رونديفو بابا: اييه واخة.. هز يديه.. غادي تنوض ولا نصورهاليك فوجهك شادي: (ناض) وابابا راني كبرت دبا مخاصكش ضربني بابا: سير فحالك قبل مانوض البرهوش رنيم: متعصبش راسك معاه ابابا ومتخافش غادي نربيهلك مزيااان بابا: الله يرضي عليك ابنتي شادي: متنسايش بلي حنا فاوروبا غادي نصيفطك الحبس رنيم: (ناضت شنقات عليه) فكر فيها وشوف اش غادي يوقعليك اولدي شادي: طلقيي مني.. جيتيني ختي الكبيرة وحشمت رنيم: (طلقاتو) ممم حشمتي عندك الوجه لي كيحشم بعدا...... داز اليوم وهي مع ماماها كتحاول تحيد الشوق ديالها..... يوم جديد خرجات رنيم وباباها بابا: فين غاديين رنيم: هانتا شوية وغادي تعرف مالك ابابا زربان بابا: افف واخة... وقف الطاكسي وهما ينزلو... اش هاد البلاصة هادي رنيم: (جراتو) اليوم غادي نشريو طموبيل لاحسن اب فالعالم بابا: (وقف) اش كتقولي رنيم: بغيت ناخدليك طموبيل بابا: ياله زيدي نرجعو رنيم: لا ابابا عقلتي فاش بعتي طموبيلتك على قبلي بابا: هذاك راه واجبي رنيم: الى كان هداك واجبك انا من حقي نفرح بابا.. مبغيتكش تمرمد مع الطاكسيات ونتا ممولفهمش... الفلوس راهم غير محطوطين فالبنكا وداكشي كلو بسبابك نتا ونتا اولى بيهم بابا: (تنهد) خليهم ليك دبا تحتاجيهم وخوتك دبا غيمشيو معاك رنيم: واش ابابا عارف شحال درت من حفلة وكل حفلة شحال كناخذ فيها... عفااااك ابابا قبل وخليني نرجع لكندا وانا فرحانة حيت رجعتليك طموبيلتك بابا: زيدي عارف منقدرش نغلبك.. خرجتي عنيدة رنيم: ههههه بحالك..... دخلو للمكازا ديال الطموبيلات كيشوفو بابا: ناخذو هادي رنيم: ممم لا صغيرة بابا: وراه بحال لي كانت عندي تقريبا رنيم: من الاحسن ناخذو هادي كبيرة وفخمة بابا: راه غالية رنيم: متغلاش عليك احبيب قلبي
