Unicode
မှော်လောကရဲ့ချစ်ပုံပြင်
🍁34🍁
ဟုန်အိမ်တော်တွင် အိမ်သား၊ အိမ်အစေခံများသည် သူတို့၏အသက်ကို တစ်စုံတစ်ယောက်က ချုပ်ကိုင်ထားပြီဆိုတာကို လုံးဝသတိမထားမိဘဲ နေမြဲတိုင်းသာ နေနေကြသည်။ သူတို့က ဟုန်သခင်မကို ယခင်အတိုင်း ချစ်ခင်လေးစားနေကြဆဲ။
လေးစားစရာအောင်လည်း သူမက ဟန်ဆောင်ကောင်းသည်ကိုး။ မနက်စောစော မိစ္ဆာဆိုးရဲ့ အငွေ့အသက်တွေ ရနေတာကြောင့် ဟုန်မင်သည် သူ၏စိတ်စွမ်းအင်ဖြင့် ရှာဖွေကြည့်လိုက်သောအခါ ထင်ထားတဲ့အတိုင်း ဟုန်သခင်မ ရှိသည့်နေရာဘက်က ဖြစ်နေသည်။
ဟုန်သခင်မ နန်းဆောင်တွင်။
"နင်ပြောချင်တာကချူဝေ့ထုန်ကကျိုရိထင်းကိုအဖြစ်မှန်ရှာပြလိုက်ပြီပေါ့..."
"ဟုတ်ပါတယ်...အခုခေါင်းဆောင်ထန်ရွှီးလည်းမှော်နက်မြို့တော်ကနေထွက်ပြေးနေရတယ်...."
"ကျိုရိထင်း....."
ဟုန်သခင်မ လက်သီးတင်းတင်းဆုပ်၍ အံတင်းကာဖြင့် ဆိုလိုက်သည်။ သူမက နန်းဆောင်ထဲက သူမကိုယ်ပိုင် သခင်မပုလ္လင်ပေါ်မှာ ထိုင်နေတာဖြစ်ပြီး အောက်ဘက်တွင် ဒူးထောက်ခစားနေသူတစ်ဦး ရှိလေ၏။
ထိုသူကတော့ မှော်နက်မြို့တော်တွင် သူလျိုလုပ်နေသည့် အဆင့်၃ရှိသည့် မိစ္ဆာတစ်ကောင်ပင်။
"အခုချူဝေ့ထုန်ဘယ်မှာလဲ...."
"မော်ကျွင်းနဲ့အတူရှိနေပါတယ်....မော်ကျွင်းကမထင်ထားဘဲအတော်ကိုအစွမ်းထက်တာ...သခင်မ....ကျွန်တော်တို့ပိုသတိထားရတော့မယ်...နဂါးဓားနဲ့မော့ဓားသာပေါင်းစပ်သွားရင်...."
"ပါးစပ်ပိတ်ထား!!"
ဟုန်သခင်မ အော်ငေါက်ပစ်တာကြောင့် ထိုမိစ္ဆာလေးလည်း ငြိမ်ကျသွားလေသည်။
"အဲ့လိုမဖြစ်ရဘူး....ထန်ရွှီးဘယ်မှာလဲဆိုတာစုံစမ်းခဲ့...လုံခြုံလား....အန္တရာယ်များလား...အန္တရာယ်များတဲ့နေရာမှာဆိုရင်ငါ့ဆီခေါ်ခဲ့..."
"ဟုတ်ကဲ့...."
ဟုန်သခင်မမှာ ကျိုရိထင်းအပေါ် အထင်သေးမိတဲ့အတွက် မိမိကိုယ်ကို အားမလိုအားမရ ဖြစ်သွားသည့်အပြင် တစ်ဖက်က ချူဝေ့ထုန်ကို မုန်းတီးစိတ်က ပိုလာခဲ့သည်။ ငွေနဂါးအမြုတေကော ကောင်းကင်မျက်လုံးကော အစွမ်းထက်ရတနာတွေ အကုန်လုံး ဘာလို့သူ့ဆီမှာပဲ စုနေရတာလဲ။
DU LIEST GERADE
မှော်လောကရဲ့ချစ်ပုံပြင် (Complete)
Historische Romaneလူသားတို့နတ်လောကနဲ့မိစ္ဆာတို့မှော်လောကအားပြိုင်မှုတွေကြားကစစ်မှန်တဲ့ချစ်ခြင်းမေတ္တာကိုတွေ့ရှိရမယ့်ficလေးပါ (OC fic ) လူသားတို႔နတ္ေလာကနဲ႕မိစ္ဆာတို႔ေမွာ္ေလာကအားၿပိဳင္မႈေတြၾကားကစစ္မွန္တဲ့ခ်စ္ျခင္းေမတၱာကိုေတြ႕ရွိရမယ့္ficေလးပါ (OC fic )
