မှော်လောကရဲ့ချစ်ပုံပြင် (Complete)

🍁82🍁

Unicode
မှော်လောကရဲ့ချစ်ပုံပြင်

                          🍁82🍁

       မော့ဓားကိုပါ လေထုထဲကို ပင့်မြောက်လိုက်သည်။ မြင့်မားနန်းဆောင်ကြီး၏ အပေါ်သို့ စကြာတစ်ခုလို လည်တတ်သွားသော မော့ဓားသည် အနီရောင်မှော်စွမ်းအင်များ ထုတ်လွှတ်လာ၏။

       မော့ဓားကို အသုံးပြုနိုင်တာ ကျိုရိထင်းပြီးရင် တစ်ဦးတည်းသောသူကတော့ ငွေနဂါးအမြုတေ ချူဝေ့ထုန်ပင်။ မော့ဓားသည် အပေါ်ကနေ တစ်ဖန်ပြန်ကျလာသည်။

       ချူဝေ့ထုန်၏ ငွေရောင်တောက်နေသည့် နဖူးရှေ့တည့်တည့်တွင် တည့်မတ်စွာ နေရာယူလာ၏။ ချူဝေ့ထုန် စွမ်းအင်အပြည့်ပါသော လက်ဝါးနှစ်ဖက်ကို ဘေးသို့တစ်ပြိုင်တည်း ဆန့်လိုက်တဲ့အချိန် ငွေဖြူရောင် စွမ်းအင်တို့ လွင့်ထွက်လို့လာသည်။

       ထို့နောက် မော့ဓားအား လက်နှစ်ဖက်ဖြင့် တစ်ချိန်တည်းရိုက်လိုက်စဥ်။

'ဝုန်း.....'

       အနီရောင်နှင့် ငွေဖြူရောင် စွမ်းအင်များ ရောယှက်နေသည့် အလင်းငွေ့တို့သည် ရေအောက်နန်းတော်ကနေတစ်ဆင့် မှော်နက်မြို့တော် တစ်ခုလုံးပေါ်သို့ ပျံ့နှံ့သွားလေ၏။

        တစ်ချိန်တည်းတွင် မြေကြီးသည်လည်း တုန်ခါသွားသည်။ ချူဝေ့ထုန်ရှေ့က မော့ဓားသည် အလင်းငွေ့တို့နဲ့အတူ ပျောက်ကွယ်သွားခဲ့သည်။

"သခင်လေး...."
"လက်ဝါးဖြန့်...."

        ချူဝေ့ထုန်ပုံစံက ခက်ထန်နေတာမို့ သူမလည်း ကြောက်ကြောက်လန့်လန့်နဲ့ လက်နှစ်ဖက်လုံးကို ဖြန့်ပြလိုက်သည်။

"ဘာဖြစ်လို့လဲ သခင်လေး "
"အဆိပ်သုံးခဲ့သူဆိုရင် လက်ဝါးမှာ အနီမှတ်ပေါ်လိမ့်မယ်...."

       ကျင်းကျင်းလက်ဝါးတွင် ဘာမှမရှိပေ။ မတိုင်ခင်က ချူဝေ့ထုန်သည် အဆိပ်ငွေ့ကို အနည်းငယ်ယူ၍ မော့ဓားစွမ်းအင်နဲ့ ပေါင်းစည်းကာ မှော်နက်မြို့တော် တစ်ခုလုံးအပေါ်သာမက မိစ္ဆာတိုင်း၏ကိုယ်ပေါ် သက်ရောက်နိုင်အောင်ပါ စွမ်းအင်တစ်ခုကို ထုတ်လွှတ်ခဲ့လေသည်။