الحليب المُر

بارت ال18

السلام عليكم للزعلانين عليه ☹💔 ليش الزعل ليش 💔☹

بارت ال18

لا تشكون إلى خلق فتشمتهُ شكوى الجريح إلى الغربان والرخم...

~~~~~~~~~~~~~~~~

وكف وهو ساكت..وهي ظلت تبجي وتكله مستحيل تكون انته مو هو..عزام ميسوي هيج مهما يكون الكلوب مو بيدنه بس مو ليال...

عزام لزم ايدها واخذ المدالية:نرجس اهدي مو هيج..مو مثل مافهمتي..فاهمة غلط يابه

نرجس ببجي:لعد شنو كلي..ماريد افهمك غلط..طول هالسنين اعرف كلبك مو الي..بس مامسموحلك تكسر كلبي بعد هالسنين..وانه تخليت عن الأمومة لأني احبك

عزام حجه بحزن:المدالية مو ل ليال..ولا لأي وحدة..هاي صغتها كبل لا اتزوجج نرجس..وجانت بأسم بنية هواها كلبي وصارت ماضي

نرجس بدموع:اي جنت اعرف كلبك ليهسة الها..بس ماتوقعت تسمي ليال عليها..مافكرت بكلبي وكسرته..وتحجي الألم يعصر كلبها..وليش الكلادة عد ليال

عزام:لكتها بالديوان صدفة وانطيتها الها..ورجعت لكيتها بمكانها...وسكت اذا حجه اكثر راح يكشف مشاعر ليال الي يعرفها كلش زين...

نرجس بشك:وليش رجعتها..معقول هي..وسكتت ولزمت حلكها بصدمة..

عزام بتحذير:لاااا نرجس..دير بالج تظنين بليال ظن السوء..انتي العاقلة والفاهمة..لتغلطين بالظن بيها

نرجس:لاااااء ليلو خام ابيض مستحيل اشك بيها بشي..هي تربيتي مو بس تربية سماح

عزام بحزن:هااا بويه والثقة انعدمت بيه..اشوف شكيتي بيه..من يمته تعرفيني اسوي المايرضه بي الله

نرجس:لا مو هيج..عزام اثق بيك..بس كلبك...وسكتت ودموعها تنزل بحركة وألم..منو ليال عزام احجيلي وينها وشصارلها وليش ماصارت الك

عزام تنهد بحزن:صارت فصلية وراحت وصارت ماضي..وهي صدفة هذاك اليوم شفتها هي وزوجها..لو تدرين بيا حال شفتها..برجل وحدة...وسكت..

نرجس بحزن ودموع:لعد مادامها بكلبك باقية ليش ظلمتني عزام..ليش ازوجتني..بنات العالم مو علاج للكلوب

عزام:لا نرجس ابداً لا تفكرين ازوجت حتى اعالج كلبي من عشكه..وانتي تعرفين معزتج عندي..واحترامج يمي..وهي ماعادت بكلبي..ماضي وانتهى...

راحلها واخذ راسها وحطاه بين ظلوعه..وكلها لا تشكين ابد انو انه ممكن اسوي العيبة او انزل راس..مهما يصير انتي عندي وبس واغلى من اي طفل حتى.......

بهذاك الصوب...

راح حاكم لبيته..ويشوف النار شاعلة بي..كعد بنص الشارع عالأرض..ولزم راسه...

منصور والولد كدرو يطفونه..جان راح يخلص البيت ماباقيله شي..وهاي هسة صار مصخم..ومحترك..وهو بدل الصبغ سوه ديكور تغليف للجدران...