البارت ال20
إذا لم تغامر من أجل شيء تحبه فاصمت إذا خسرته!
~~~~~~~~~
ليال.....
هسة ليش خايفة هل كثر شنو قايل راح يشنقني لو شنو..دكيت الباب اجاني صوته وكال تعاي ليال..دخلت بهدوء..ومدنكه...
كلبي يخفقق بسرعة جنونية..واتسائل شنو يريد مني الشيخ...سلمت بصوت شبه مخنوك..شبيه صرت هيج بلا صوت بوجوده....
عزام:هلا يابه..استريحي ليال..اريد احاجيج..
كعدت بعيد شوي..تمنيت هاي الكعدة جاي يصالحني ويه حاكم..نزلت راسي..اباوع لأصابعي بالرغم هذا الكبالي كلبي بهاللحظة ينبضله...
بس وين انه..اتمنه يرجع حاكم..مجاي يتمنى كلبي عزام..جاي احاول ارجع امنياته..بس مجاي ترهم...
عزام:شلونج ليله
لزمت دموعي..نفس السؤال كل مرة من اكعد كباله هيج..ردت اجاوبه بس بنفسي ماعرف شلوني...
عزام:ليال يابه احاجيج
جاوبته بصوت مخنوك:شلوني ياشيخ؟؟..ليش انته شلونك
عزام تنهد بحزن وصلت لأعماقي هالتنهيدة...
عزام:جانت هاي الكعدة كل مرة اجيج بيها اصالحج ويه حاكم الله يرحمه..ورفع راسه اليه..مو صح
عيوني دمعت:اي صح..وكأنك دخلت لعقلي شيخ وعرفت تفكيري..الف رحمة على روحه
عزام:اي الله يرحمه ويغفرله..ليال اريد احاجيج بسالفة حاكم..كلما اريد اكعد وياج..واكول مو وقته وانتي بحال حزن وصعب اناقش هالموضوع وياج..بس لازم اناقشج بي..لازم اعرف ليله
كلبي دك قوي من كلامه:تفضل شيخ كول الي تريده اسمعك
عزام:حاكم شنو الي كاله الج بيوم الي قتل نفسه اريد اعرف كلشي ليله كلشي..اريد افهم..صعب الي صار علينه كلنه..ومو سهلة يكون قاتل اخوه..حتى لو بالغلط بس لازم اعرف شنو كلج..رجال انظلم بقتل ملك وعشيرة كاملة تهجولت
عيوني ظلن يصبن:الله يخليك شيخ لتحجي بهذاك اليوم..صعب عليه احجي بي..ومو كافي منظره ميروح من كدام عيوني
عزام:يابه اعرف صعب بس الشغلة مو هينة ولاهي مجرد كلام وبس..ضروري اعرف كلشي..حتى اعرف شكل للناس ليله اخوي انتحر وماريد الناس تعرف ولا اريدهم يعرفون هو كتل ملك..واريد ابرئ عشيرة كاملة من دم اخوي تفهمين
ظليت ابجي بصوت:ماريد احجي بالكالي اياه ماريد..انته عرفت وكتلك هو مامتعمد يقتله..خليني اروح..وين تعرف كلي كلام اصلاً
عزام بأمر:ليله كعدي مكانج..ومسحي هالدموع..اعرف كلج كلشي اكيد..من سمعتج تكولين مامتعمد يقتله..معناها حجالج..ويالله احجيلي شكالج بالتفصيل..انتي قوية ومو طفلة..وهو راح لربه..شبيدنه..انه هم كلبي محروك على اخوي مو هينة ينتحر ..الينتحرون من اهل النار وانه هسة شاعلة بكلبي نار عليه
أنت تقرأ
الحليب المُر
Romanceقصة حقيقية تبدأ قبل 25 سنة عن بنية تعيش بيت الشيخ وربت عدهم وهو سماها من ولدت تكبر وتعشكه...واخوه يحبها بنفس الوقت...شاءت الاقدار وتصير حليلة اخوه...وهنا تبدي رحلة عذابها ويه عشك الشيخ.......... يكلها ليله نجوم وجهج حيرني وخلني ليل ونهار صافن بوجهج...
