الحليب المُر

البارت ال14

السلام عليكم

بنات ليش هيج الدعوات والغلط على حاكم مو كلنه بذمتي ☹💔

وملاحظة عندي خطأ بالبارت من تصاوبت ليال كتبت منصور هم راح ويه حاكم من طلعه عزام من المستشفى بس هو بس عيءى راح وياه....

البارت ال14

صعب أنو يرجع الحب مثل ما جان بعد الفراك..
وأصعب وداع بالحب، أنو ينتهي الحب دون كلمة وداع...💔

~~~~~~~~~~~~~~~~~~~~

العصر طلع حاكم وكلها ماطول..وانتبهي للكامرات عدل يالله تفتحين الباب..هزت راسها بأي...وراحت حطت بذانها سماعات...

وحطت قصيدة لباسم..وتتصفح بتلفونها..تراسل بت خالها..الجبير..وشوي حست بحركة وراها..والتفتت..عبالها حاكم رجع....وشافته ولد شاب غريب....صرخت...

ويه صرختها خذت شالها لبسته وهمزين مستورة ملابسها...وكلها انتي منو...كلتله انته منو...

الشاب:انه صاحب البيت..انتي منو..وتذكر..هاااا لحظة.. ودار وجهه..اسف خويه ماعرف انتم هنا..كلي حاكم بس ماعرف انتم هنا..كلش اسف راح اطلع...

كبل لا يكمل شردت للغرفة..وبدخلة حاكم للبيت وهو عصبي..شاف سيارته بره...واجه لزمة من ياخته وكله لك زمااال مو تدري احنه هنا شلون تدخل للبيت...

حاكم بعصبية:حمار..اذا تعرضتلها اكتلك كتل خلاص وروحه لأخويه..انته مو تعرف هنا انه ومرتي كتلك

أمين:يمعود اهدأ..اولاً ماعرف انته هنا والله العظيم..كتلي بس عبالي مجاين انته كتلي جم يوم نروح عبالي ماجاي بعدك..وبعدبن انته تعرفني بنية ماتنطيني وجه ماكلبها مو انوب اتعرض لمرتك..يابه اختي مثل ما انته اخويه..شبيك ماتعرفني..اصاحب اي بس عندي حدود

حاكم تركه:زماال انته شلون ماتدري احنه هنا..حيووان عقلك وين

أمين:والله عقلي مو وياي..رجعت الوالدة مريضة وبالمستشفى..ومجاي اركز..اجيت اسبح وابدل واروحلها..هسة اروح بيت اخوي اخذو راحتكم

حاكم:سلامتها..والله الك وحشة حيووان

أمين:والك همين زمال..الله يسلمك..والله ضايج امي تودع حاكم

حاكم:الله يشافيها الك..ولو دعواتي توصل فوك السطح وتطيح مغمى عليها من كد حسناتي

أمين:ههههه يلعن بليسك..والله مقهور وضحكتني..يالله اخذ راحتك رايح

حاكم:روح لغرفتك انه هنا باقي..اخذ راحتك بيها..وراح للغرفة الي دخلت بيها ليال..شافها لابسة ومحظرة عبايتها....

حاكم:انتي بخير..اسف على هالموقف مايعرف بوجودنه عباله مجاين هنا بعدنه

ليال:هسة اطلعني من هالبيت حاكم..ماريد ابقه بي ولا حتى دقيقة..باجر يدخل عليه صاحب البيت وياه صاحبته مو هيج..صوجك جبتني هنا بهيج مكان