الحليب المُر

البارت ال12

مساءكم عافية ♥️

اسفة للتأخير مجان عندي نت ولا كهرباء

البارت ال12

تمنيت ترد هذاك الطفل..حتى ارجع المك بحظني...
(((((صح نسيت اسأل...الأخذك كلي متهني؟؟؟؟)))))

حاكم قرا الكتابة:هاي مريم طليقتي مو صح

ليال خافت اكثر:لاااء هاي.....وسكتها بصيحة وكلها لا تجذبين لا اجنزج...شكلتلج عني الكلبة...ولزمها بعنف من ملابسها...

وحطها مقابيله ومن عيونه مبين الغضب..وكلها ليال كتيلها عنا مو..ياويلج اذا صدك...

ليال:ماكتلها والله بس هي كلتلي كلشي صار وياكم

حاكم بغضب:ولهسبب تكرهيني مو هيج..وفر وجهها بكف..كتيلها ماكدر يلمسني..مو هيج

ليال لزمت وجهها:ماكتلها...ماكملت واجاها الكف الثاني اقوى من الاول..ويكلها جذابة...شكتيلها...

كامت تريد تطلع وتشرد من يمه لزمها..وكلها وين..وكلتله ببجي اتركني ماريدك ماريد ابقه وياك...وعمت على نفسها بهالكلام...

وكلها عيدي ماسمعت..وطاحلها بطراكات شلع وجهها..وهي حتى البجي مايطلع منها بس شهكات...ويكلها شلون وصلتج الكلبه مريم...

ويصيح بغضب احجي..وماتحجي ويعصب اكثر...

على صوته اجه شهم..دخل للغرفة بهجومية ولزم حاكم عن ليال..وحاكم يدفعه ويكله اطلع مالك علاقة...

وليال ببجيها حطت الشال على شعرها..وتكل لشهم..فكني منه ماسويت شي غلط والله...

حاكم بغضب:شهم وخر عني لا اكسر خشمك

شهم:اكل تبن واهدا..ليش تكتلها شمسويه انته لو حمار لو حمار..شبيك شجاك اهدا

حاكم بغضب:انه ومرتي شعليك لا تدخل..اتركني شهم

شهم:مو هيج التفاهم مو بالضرب..كل حياتك راح تكضيها مشتت يعني

واجن البنات عالصايح..شهم صاح ولن منا..بس اجت امهم وسيلة وشمعة....

شمعة:شصاير ولكم شهالصايح

حاكم دفع شهم قوي ورجع لزمه يريد يروح ل ليال...وكلها شهم ابنج كتل مرته...وحاكم يصيح مالك علاقة اتركني روح لاتصير شهم براسي...

ويه صعدت عزام الدرج ويسمع الصايح..وباب غرفة حاكم مفتوح وامه بالباب وتحجي وياه...كال شصاير...

ليال دارت وجهها وكتمت بجيها..وشمعة كلتله ماكو يمه رجال ومرته...

عزام عقد حواجبه:هو شكو..وشاف ليال دايرة وجهها ولازمته..وصوت شهكاتها..كال شهم اطلع..طلعو كلكم...

شهم بس عاف حاكم..ضربه ببطنه برجله..كله حتى ماتدخل مرة ثانية...وعزام صاح عليه حاااااكم...وسحبه من ايده وطلعه بره الغرفة...حتى يحجي وياه...