السلام عليكم حبايب
بارت ال22
ياعشك ياحب احبك كول هايم بيك واظل اسولف بشخصك ليوم مماتي...
اعشكك عشك ماله حد ولآخر نظرة عين واخر نفس من ريتي ولآخر يوم بحياتي....
~~~~~~~~~~~~~~~~~~~~~~~
فتحت الباب مال الغرفة..شوي واباوع الهم..والشيخ صاير كبال الباب..اووف لجمني كلبي والله...احبه لدرجات محد راح يفهمها بس خانكني هالحب اكبر غلط....
كلها ابوي..ان شاء الله اذا اكدر انفذه..من هالعين قبل هالعين..وانتي عالراس خيتي ام عزام الغالية...ونظرات الشيخ اجت على امه شكله مايعرف شكو....
شمعة خاتون كملت:تسلم ياخوي ابو علي..انته الغالي الله شاهد..وانته اخوه جليل واخوي وعم الولد يشهد الله يعدونك عمهم...واحنه اليوم جيناك نطلب ليله لأبني عزام.....
عم الهدوء والسكوت..والصدمة اعتلت وجه الشيخ..وصدمني هالطلب...
ظل يباوع لنرجس..وماعرف ليش خفت من هالنظرة..ودرت وجهي ماريد اشوفه اكثر..ماريد اقبل لااااء ابد مادمر خالتي...
اسمع ابوي يكول..اي نتشرف بأبو معتز عالراس..بس ونرجس..وشيكول الشيخ خلي نسمع كلامه...
باوعتله من الباب..وجان شكله مايعرف بشي اي مايعرف ومبينه واضحة وضوح الشمس مو هو جاي يخطبني....
عزام حسيته حاير شيكول:ياعمي تعرف بعد الحجي الصار..ونرجس هاي كدامك جاي تخطبلي بنتك..وكالها بحدة..وامي همين مامقصرة وحجو عني طيبين..طيبين ان شاء الله يعمي
ابوي:اي طيبين يبويه..وليال بنتكم..واخذوها بعبايتها وخصوص الك ياشيخ انته ذهب..بس اكيد الها الراي اهم..تعرف انته متزوج وحتى لو هي قابلة ميصير احنه اندوسها واندوس مشاعرها ونرجس ماكو مثلها ورده وماتتبدل ابد..وانه ابد ماباوع للعمر ولا للمادة اشتري زلمة معدل لبنتي..شوفت عينكم انه وام علي فرق جبير بينه..وماعرف شكلك ياشيخ
ظلو يحجون ويتناقشون والشيخ كلماته محدودة كلمة كلمتين..ومبين ماراضي وماعاجبته الوضعية والسالفة...
ابوي حس بي..ونرجس ماحجت ولا كلمة..وشمعة وسيلة همه يحجون...وشهم كال احنه مانريد ليله تتركنه تعودنه وجودها بحياتنه...
وهي ماكو مثلها معدلة..انسانة مؤمنة وطيبة..وعزام والنعم منه مو اخوي واحمده...ونرجس ابد مايقل شأنها وهي الأصل اكيد...
وماعلينه بالحجي..الناس حجيها لا يجيب ولا يودي ولا يقدم ولا يأخر..واذا هي متقبل هاي الشي من حقها ترفض....
عزام ساكت..خوفني هالسكوت..وضوجني..حسيت بكلبه..وصلي شعوره..ماقابل يجي يخطبني اي ماقابل...أسد وشهم وعمه شمعة ونرجس وعمه وسيلة كلهم جاين متفقين عالشيخ ويحطونه كدام الأمر الواقع....
أنت تقرأ
الحليب المُر
Romanceقصة حقيقية تبدأ قبل 25 سنة عن بنية تعيش بيت الشيخ وربت عدهم وهو سماها من ولدت تكبر وتعشكه...واخوه يحبها بنفس الوقت...شاءت الاقدار وتصير حليلة اخوه...وهنا تبدي رحلة عذابها ويه عشك الشيخ. يكلها ليله نجوم وجهج حيرني وخلني ليل ونهار صافن بوجهج احسبهن...
