الحليب المُر

البارت ال16

السلام عليكم

البارت ال16

رحمه لأهلك لاتسألني اعلى ولفي
جاي اصارع نفسي والله حتى اخفي
شرايد اكولك هو من روحي اعز
لو لمحته لو مر طاري اسمه دلالي يفز
احلفك بكل غالي عندك لاتكول الي تكوله...

بقلم الوردة user25596034

على ليال من سألها حاكم....🥺💔

~~~~~~~~~~~~~~~~~~~

انصدمت بكلامه..خفت حيل..رجفة اجتاحت جسمي.ماعرف مانتبهت من رعبتي منين طلع مسدس..مو عساس خذاه الشيخ....

منين طلع هذا هنوبه..ولزمت حلكي بهلع...كال بغضب عيديها وكولي اتركك...

كمت ارجف مثل السعفة..هذا الشعور الهلع والرعب الي اجتاحني...طول هل فترة وعايشة ويه مجرم..وكل تهديد جان ممكن ينفذه...

رجع صاح بغضب..كوليها ليال كوليها..اعرف انتي تحبين اخوي عزام مو غبي...كوليها اتركك..كولي...

ماعرفت شكول الرجفة والخوف خذاني ابجي بشهكات..هالشعور شما وصفت محد راح يحس بي بس الشافه وعاشه...

ظل يغرز المسدس بطني مرة الثانية..ويكول اعترفي ليال بس كليلي انتي تحبينه لعزام..كولي ويصيح....

كتله برعب ورجفة اندفعت بكلامي...لاااااء ماحبه..ماتركك بس عوف المسدس..والله ماتركك..والله وداعة امي وابوي ماتركك...

سيطرت عليه نبرة التوسل..بسبب الموت..حسيته يحوم عليه بهاللحظة مثل حال خزنة..احجي بكل جدية وكل جسمي يهتز برجفة....

بهل اللحظة دخلت عمه وسيلة خمطت منه المسدس..عصبت وصيحت عليه كالت انت شبيك تخبلت كلما تمشكلتو هددتها بالسلاح...

ضربته بقبضة ايدها بجتفه بغضب..تكله غبي مخبل شبيك تخبلت راح تموتني حاكم راح امووت من وراك..يبوووووو ظلت تصرخ وتخرط بوجهها....

يبوووو منك حاكم..اريد الحك ابوك احسن الي من مصايبك...وانه ابجي بصوت ولازمة حلكي..وهو كعد عالأرض ولزم راسه...ماعرف شكال ولا انتبهت جنت مرعوبة بهاللحظة...

بس اعتقد كلها اخذيها من يمي لا اموتها ومادري بنفسي..اخذيها....

هي تكله مو اخذ مسدسك عزام شجابه بيدك شنو هو لعبة بيدك...يمه اريد امووت واخلص منك..وتلطم خدودها حيل..وتصيح مصخم ياريتك طحت متت بولادتك ولا شفتك....

الشيخ اجه انه لابسة حجابي بعده عليه..اخذ المسدس من عمة وسيلة وشمرة بره..لزمها كومها..يكلها خالة كافي تلطمين خدج ذكري الله...

راح سحب حاكم من ملابسة..خالة نرجس اجتني خطية تتفقدني عبالها سوه بيه شي..حظنتها حيل ظليت ابجي بحظنها حيل وتمسكت بيها...