الحليب المُر

البارت الرابع

السلام عليكم ❤

البارت الرابع

راحت نظراتي يم ذيج الشامة الي يم جيدج...
ياحنطاويه بشنو طينج معجون اكيد بجكليت...

ضميني لصدرج وكأني طفلج وحيدج...
يالغيرج ماشفت من وعيت عالعشك وغير عيونج ماحبيت....

*********************

حاكم:ليال الحلوة كبرانة وصايرة تفاحة..بس شنو هاي..بس كليلي هذا صدرج لو اسفنج....

كال هيج لو وجهها شعل نار مستحه وهذا مايعرفها ابد وجريء وسرسري وماياخذ بريك من لسانه...وراد يلزمه وتراجعت ليورى خايفة وبدخلة الشيخ....

ابتعدت وهي خايفة..من شافته مد ايده الها..ونقذها الشيخ....

عزام:حاكم..شعندك هنا..وشاف ليال..ليش تزعج البنية..خليها تاخذ راحتها..تعال رايدك بشي مهم..توني اريد اكعدك

حاكم:وانه كاعد على راسها توني جيت للديوان جاي تنظفه..خير شصاير...

ليال كالت عن اذنكم.. ودنكت..وطلعت ركض..نقذها الشيخ..وراحت ونست الكلادة بيدها..وباوعت لأيدها..ولزمت حلكها...

ليال:خلي ارجعها..مكانها..ياالله هنوب عباله بكتها..خل يرحون وارجعها..وخذتها ودخلت للبيتهم..ورجعت لفراشها...

وحاولت تنام ماكدرت بعد..وكامت تتكلب وهي ممغمضة حيل..عود ترجع نومتها..عدها قدرة تكوم الصبح تشتغل وتكدر ترجع تنام للظهر...

بس ماكدرت..وطلعت الكلادة تباوعلها..وحست بشعور غريب..من تذكر وجه عزام..توه..وانتفضت..ونفضت افكارها وكالت...

ليال:ليش كلادة بأسمي..اكيد هي للشيخ لا غير لعد منو يكعد بي ليل ونهار..بس ليش سماني ليال..والكلادة بأسمي..يالله هسة الفضول يخنكني خنك اذا ما عرف امووت...

وكامت وحطت الكلادة بوجه مخدتها وكالت بعدين محد اكو وارجعها للديوان..وراحت يم امها..اتساعدها بالخياط...

سماح لاحظت ليال جاي تحوك وماتحجي وياها..بالعادة تسطرها سطر بسوالفها..شافتها صافنة ومشت السنارة غلط...

سماح:شبيج ليلو

ليال:هااا مابيه..ورجعت لصفنتها..وكل تفكيرها بالكلادة..وماخلت رواية ما رهمتها عالكلادة..وصلت لرواية وكامت تتخيل...

الشيخ يحبها وسوه الكلادة الها..ورجعت للواقع وظلت تضحك..وتكول يحسبني بنته دوم يكلي بنيتي شنو يحبج ليال اصحي....وتضحك على تخيل هالرواية...

وتخجل لو يسمع احد هالتخيلات..كالت عزززااا لو تسمعهن خالة نرجس..وكامت ضاجت من يمته وهي تفكر بالشيخ هيج....

ماخلت شي وماسوتها تشتغل بكل نشاط اليوم..وهم بتفكيرها الكلادة وضاجت خذت كل تفكيرها..وانوب الرواية وحدة وره الخ تجي بدماغها...