الحليب المُر

البارت الثاني

السلام عليكم شلونكم احبابي

البارت الثاني

يكول شامت وكف بالباب حاير شأكله
اتجي اعلى المكسور لو دمعي اهله
يرد الثاني
اتجي اعلى المكسور واحجي بجلاده
واضحك ضحك بطراااان واحرك افاده...

منقوول...

طلعت خزنة من غرفتها بهدوء وتسد الباب على كيف حتى ماتكعد حاكم يمكن..وميامين شهكت ولزمت حلكها من الشافته...

شافتها رشت شي كبال الغرفة وتريد تدخل لغرفة عزام..وتتلفت....

وميامين طلعت بسرعة ولزمتها بعنف وسحبتها...وضربت زندها حيل صلخته صلخ من حممت الصواب....

وخزنة تفاجئت بيها..وكالت شبيج وخري عني شسوين..ليش تضربين...

ميامين:ولج ك........ماتستحين ماعندج شرف تردين ادخلين عرفة حماج وهو نايم ومرته مو هنا..شسوين يمه هااااا..وشنو رشيتي ببابه

خزنة بأرتباك:لا مو هيج فهمتي غلط..جيت اسمع اذا احد كاعد..ردت اطلع آكل جوعانة واستحي من يشوفوني..وظلت تمتمت..ما..ما...مارشيت شي يتخيلج

ميامين:ولج حية جذبي على المطي العندج..بس مو عليه..انتي عاشكه عزام وحاطه عينج عليه..ولزمتها بعنف من زندها..الا اكل لعمي كو......وتسويله سحوره حقيرة

خزنة بخوف:لا والله مو هيج..هديني..وتريد تشرد منها..طلع عزام من الغرفة...

عزام بأستغراب:شبيكم شهالصوت

خزنة سوت نفسها مظلومة:ساعدني تريد تتهمني بدون سبب هالحية...

سكتتها ميامين بكفخة على وجهها:وتجذب الحقيرة وتريد تطلع منها..مرت اخوك ترشلك سحوره ببابك..الله اليستر شمسويه الك..وتريد تدخل عليك

عزام تفاجئ..وباوع لميامين ولخزنة..يصدكمن وناقص هو حتى انوب سحر..لو مصيبة ويه مرت اخو...

عزام:شهالكلام لا تتبلين العالم ظلم..وعقد حواجبه لخزنة..وانتي صحيح هالحجي..ديري بالكم اجذبون اكشف الجذاب بسرعة

خزنة ظلت تبجي:والله جذابة..عوفيني..هي تكرهني دوم حاطه دوبها ودوبي وتتهمني بأشياء باطلة وتتوهم

ميامين:عزام اتصدك هالغريبة واتجذب بت عمك..ربيت وياكم سنين..ورغم حبيت اخوك ماسويت غلط ابد

عزام عقد حواجبه:وينه زوجج انتي..وشنو تفترون نص الليالي

حاكم طلع:شيصير هنا ليش الصياح..مو اكو زمايل نايمة..ماعدكم احساس حسو بينه

خزنة سوت نفسها بريئة:حاكم تعال ساعدني هاي مرت اخوك تتبله عليه

عزام باوعله مصغر عيونه:ارجع نام ابو الأحساس ولا يهمك روح..وهز ايده وراسه...