الحليب المُر

بارت جديد..

سلام عليكم احبابي اووفييش اشتااااقيتلكم والله🙈

جبتلكم تعويض عن البارت الاخير الكله ركض 🙈 ومابي رومنسية بهالبارت تفاصيل ماكتبتها بالأخير فكتبتها الكم

استمتعوووو بس اريده مليان تفاعل 😍

ليال......

هاي المواقف قبل لا ترجع جيهان بفترة...

فرشت اسنان معتز لبسته ملابس النوم واخذته لسريره بوسته بخده..وهو باسني ويكلي ماما احبج..شكد احب اسلوبه هذا وحبه اليه...

والله العظيم ماينام ابد اذا مايبوسني..ويشبكني ويكلي احبج..على كولته يكول ماما حبه...عود يبوسني ويشبكني ويكلي احبج...يسميهن حبه ماما...

حتى يسوي لأبوه اذا موجود..بس مرات ينام قبل لا يجي او يكون يم نرجس..يروح وراه يبوسه ويجي ويبوس ماماته نرجس...

اذا مايسويلها حبه على كولته مايجي للغرفة..ومازال يكلها نرجس ماما...مو ماما نرجس...

غطيته..طفيت الضوى..وظل يدردم معتز كالعادة اسئلته الماتخلص لمن يغفه..على امه فضولي وذكي على ابوه..وعنيد على عمامه...

معتز:ماما اروح بيت جدوو بيبي امي

ضحكت..يكل لأمي بيبي امي..مو دوم اكول امي..وهو يكلها بيبي..فيكلها بيبي امي...كتله اي نروح بس يقبل بابا نروح...

معتز:انروح انه وعبودي ولورا وفوفو وبابا ونرجس ماما..وبيبي شعمة...(عود شمعة مايلفض تسمها عدل)وبيبي سويلة..وعمو اصور(وسيلة+منصور)

ضحكت:عمو اصور ليش ناخذه..شيسوي ويانه

معتز:نروح جدو وبيبي امي..اريد خالو علاوي..احبن خالو..احبن جدو خالو دائم

ليال:ههههه آدم ماما مو دائم..كول آدم

معتز:دااااائم

ليال:هههههه يلعن بليسك ينجلط خالك من تكله دائم..يالله نام ماما..ظل يدردم وشوي ونام...

جنت اراسل جيهان..وارزل بيها..واكلها ماتحنين على شهم حرام عليج...وشوي راسلت الكاتبة تسألني عن جم شغلة...

شفت عزام ماجه لهسة..اعرف يروح مرات يم نرجس شوي يالله يجي..كمت امسح الكحل من عيوني..انه طبعي ماهمل شكلي...مسحت ورجعت لتلفوني...

احس اصير اخرع اذا اهمل نفسي..لون شعري غيرته صبغته بني..وكمت البس عدسات مرات وكلش حلوة عليه يكولن البنات...

عدسات خضر..وشعري بني والنمش هل ايام ماغطي بالعكس ابرزه..صرت احبه واشوف تميزي بي...وشعري ماكصيته على طوله...

شكد حاولت اقنعه اكصه مايقبل..ارد اعرف ليش يحبون الشعر الطويل الزلم..جم مرة سألته يكول حلالي واريده مالج علاقة...