الحليب المُر

البارت الخامس

السلام عليكم احبابي ❤👍

البارت الخامس

ليس هناك مصادفات في هذه الحياة، جميع الأشخاص الذين قابلتهم كانوا هنا لغرض ما، حتى ولو تسببوا لك بالحزن، ففي بعض الأحيان قد لا تشعر بالفترات القصيرة التي تقضيها معهم ولكن ستشعر بمقدار الألم الحاصل نتيجة لذلك....

~~~~~~~~~~~~~~~~~~~~~~~~~~~~~~~~~~

سكتت ماتعرف شتكول..وكلها اعرف هي وياج..تكدرين تحتفظين بيها..اعتبريها  هدية الج ليال...وباوعت بعيونه خجلانة حيييل....وتريد تكول ماقصدي آخذها...

وبدخلت نرجس للديوان...وليال فزعت وكامت..وكلش استحت ماتعرف شتكول وشلون تبرر هي ماخذتها ماتقصد...

نرجس صغرت عيونها:هاي شنو هالخيانة ليلو تاخذ هدية وانه لاء..وغمزت ليال..عاد تسوه لو لا

ليال لسانها انعقد تخاف سمعت قصة الشيخ او يمكن تعرف..ماتعرف شنو تكول..وتخاف فهمتهم غلط..تنتظر الشيخ يحجي تخاف تجفص...

عزام بأبتسامة لنرجس ويعرفها كلش مستحيل تشك بي وحتى لو سمعت قصة ليال الفصلية مايهمه..هي زوجته وشريكة حياته وبس...

عزام:ولو انتي الخير البركه..الشيخ كله تحت امرج يابه

نرجس :تسلم عيوني..سالم الشيخ وكل احبابه..بس ماكتولي شنو هدية ليلو ولو ماتستاهل هدية عافتني ومشت

ليال دنكت:اسفة خالة هسة ارجع اساعدج..وطلعت بسرعة وهي دموعها ظلت تنزل بحركة..وظلت تشهك..وراحت لبيتهم...

وظلت تتلفت وتروح يمين ويسار وتبجي..وتردد ماقصدي اخذها..والله مو حرامية انه..ياربي ليش انه هيج حمارة..خذيتها وليش شغلت بالي بيها..جان ماحبيت شخص يكبرني بعشرين سنة وعنده مرة يحبها...

وخذت مخده حطت وجهها بيها..وكتمت صوتها حيل..وظلت تبجي بصوت وتكول ياربي ساعدني ماريد افكر هيج..ماريد اصير هيج...

اجتها امها..وشافتها نايمة عالأرض وعلى بطنها وجهها بالمخده وتبجي..خافت عليها..خاف رجعت حرجتها حوراء لو واحد من الولد وياها...

سماح:ليال بنيتي شبيج يمه

ليال مارفعت راسها من المخده وتبجي:يمه انه غبية وخذيت شي مو الي..ورجعت تبجي

سماح:هاي شبيج شخذيتي..بس لا حوراء وياج..كومي واحجي وياي..كووميي

رفعت وجهها من المخده وعيونها و وجهها احمر والدموع على وجهها كله...

ليال ببجي:لاء لكيت مدالية ذهب بالديوان بأسمي والله ماقصدي اخذها بس اجه حاكم خفت يفهموني غلط..وظلت وياي وردت ارجعها بس ماكدرت..وهسة عرفت هي للشيخ وكال اعرف هي وياج..يمه شكد موقف محرج هسة عباله بكتها..ماعرفت شحجيله