الحليب المُر

بارت ال36

السلام عليكم

بالنسبة الي يشككون بالقصة ماشوف بيها فد شي عجيب 😂 لو غريب لو ما موجود

بارت ال36

أنطفت أنوار السماء
وبَدءَ الظلامُ
وتلك الشامة مازالت
تضيء وجنتك...بقلم الكاتبةxdsse17

جيهان...

من مساع نام حاكم..حطيته بالغرفة..عن الهوسة وكل شوي اروح اطل عليه..اخاف يكعد ويبجي ومادري...

دخلت للغرفة واشوف فضة شايلته بيدها..ويكح..ماعرف شصاير..بس شكله غص بشي..ركضتله اخذه خفت...صرخت من شفته اختنك مادري شنو انطته...وصبعها جان بلعومه...

اخذته منها واضرب على ظهره بخفيف..وصار ازرك نشف دمي وظليت اصرخ ابني راح يمووت صحت بصوت شهم...

وفضة كبالي.هجمت عليها وهو بيدي وضربتها بصدرها..واكلها بصريخ شنطيتي...ولج شنو وكلتي...

فضة دفعتني:على كيفج كلشي ما وكلته جيت اشيله سمعته يبجي..مابي شي بس اختنك وهو يكح..حيري بي هسة ولا تتهمين باطل لا جمالج اشوهه

ماهتميت الها وطلعت اصرخ الولد مخنتك..وحرت بي اخترعو ومليكه خذته مني وماعرف شسوتله وطلع صوت بجيته...وتنفس...

ظليت ابجي وارجف..واشر على فضة واكلهم هي مادري شنو انطته لكيتها تخنكه بأصابعها...

فضة بصياح:اكلي تبن ام الزلم تتبله عليه..ام المتعه..فوكاها سمعته يبجي وشفته مختنك وحاولت انقذه..هاي جزاي حقيرة تتبلين عليه هل كثر مجرمة اذي طفل

شمعة خاتون نقزتها بعوجيتها:لسانج لا اكصه..انتي كلشي يطلع منج..ماتعرفين الله لو تعرفينه تصلين مو بلا صلاة

ابجي واحجي:والله عمه والله شفتها حاطه اصابعها بحلكه..ماعرف شنطته تريد تموته اكيد

فضة:تاكلين تبن وينه رجلج الزلمة خل يجي يسمع مرته ام المتعه تحجي

شمعة خاتون دفعتها بالعوجية حيل وطاحت عالأرض:كتلج لسانج لا اطيح حظج وحظ رجلج اذا مارباج على لسانج هذا

فضة كامت وسوت نفسها تبجي:والله بعد ما اتحمل بهذا البيت ياهو اليجي يهيني ويضربني..قبل حاكم وهسة انتي عمه

شمعة خاتون:تفووو على خلقتج الزفرة وتربيتج حاكم دواج جان..اخخخخ الي حجي ويه زوجج على شنو رجعج وجهاله حاطينهم بباطن عيوننا..لسانج ان ماخليته يطيح حظج ماكون شمعة

مليكه:اهدو يمه اهدي ماصار شي الولد مابي شي..يمكن اختنك من البلغم وهو يكح من مساع شفته..ما معقول فضة تأذي اكيد فهمت غلط جيهان من خوفها

بجيت اكثر وخذيته منها...اكيد ماراح يصدكوني ومنو انه لا يعرفوني..بعد ما أمن على ابني رادت تموته والله العظيم شفتها حاطه صبعها ببلعومة...