الحليب المُر

بارت ال19

هلاوووو احبابي الله يعوودكم بالخير ويجعلها سنة خير على العالم اجمع ونرجع مثل قبل واحسن 💔

بارت ال19

يامووت شتريد مني مو من زمان اني متت..ليش هسة رجعت كلبي موتت....مو كالو طفلة وماتحمل حزن شلون بيه تفننت..ياموت مني وبشبابي شنو ردت.....💔

ذكريات صارت عشرتهم💔

~~~~~~~~~~~~~~~~~~~

حار بين حالي وبجي وتوسلي بي مايأذي حاكم ماتعمد يموته..دفعني حاكم عنه بعيد ويكله اكتلني عزام ويصيح بهستريا...

انته تريد ثار اخوك..اخذه..انه القاتل..سديت ذاني..ماريد اسمع..وشفته رفع المسدس لراسه وخرت ايدي وسمعته يكول هي الك....

وصوت الطلقة خلاني اصفن واصرخ بعلو صوتي...واكله لااااء منعه.....

لزمه عزام ويكله حاكم لا تسوي هيج بيه..ولك ليش..حااااكم..صوته وهو يصيح عليه يرن بذاني..والدم الينزل من راسه..وايده الماتتحرك........

تهسترت وركضت طاحت عليه وتهزه حيل وتصرخ حاكم..لا تعوفني فددووة لا تعوفني...ماريد شي غيرك..اريدك..كوووم...

تكوله ببجي هستري وصريخ..وتهزه حيل بعنف..ويادمع اليطفي الجمر والنار الشعلت داخلها...

ظلت تضرب حيل على صدره وتكله ببجي يكطع الكلب..حاكم كووم لو اموتني قبل لتروح ليش هيج تفجعني...

مدت ايدها لعزام بهستريا ودفعته وتكله ارجع..ولا تجي حتى مايقتل نفسه..ارجع..وادفعه وتصرخ وتكله ليش اجيت ما اسامحك...

ادفعه بعنف بغير وعي وتكله بغضب..كووم رووح لا تجي بعد لا تجي حتى مايقتل نفسه...

ماعرف شيكلها..بس هاي قدره ليله..وهو نار شعلت داخله.. ويريدها تهدأ...كام سحبها عنه وكومها ويكلها ليال مات لا تسوين هيج....

ليال ببجي هستري وغضب:حتى لو مامات انته جنت راح تموته مو هيج..انته السبب انته كله منك..والنحيب يخنكها عن الكلام...

تكله بكل ألم وبجي..عفية ارجع روح ارجع..خلي ماينتحر..ماريده يدخل للنار..ماريده..وتبجي بنحيب وصوت ضعيف..وكل جسمها يهتز برجفة عظيمة...

تكله مايقصد يموته مايقصد..دمرته هي دمرته..هي خلته يصير هيج..سحرته الله يحركها..الله ينتقم منها..هي موتته...

لزم حلكها وكلها بألم العالم..لا ليله شلون اقتله..اخوي هذا..ماقتله..راح اروح وماخلي ينتحر اي راح اروح بس لا تتخبلين...

لزم ايدها وخذاها للغرفة الي كباله صارت..وهي ماتقبل تروح..بالكوة ساحبها..وتكله ماعوفه....

دخلها بالغرفة..سد الباب وطلع وهو تيه دربه..وراحله..وخذه المسدس من ايده وشمره..ودموعه نزلت..ويكله شسويت حاكم..هسة شكل لأمي وامك...ليال شحالها...كلبي شحاله...عزيز روحي انته...