الحليب المُر

بارت ال28

السلام عليكم احبابي

تمت اعادة بعض الحوار الأخير للتعديل 😘

بارت ال28

هناك طرق عديدة لأشعال النيران..ولكن هناك نوع من النيران لا تُفتعل بأعواد ثقاب..فقط شعور يفتعلها...🔥

احترقتُ بنار الغيرة لأصبح رماد..تحت رحمتك..فقط نفخة واحدة..واصبح غباراً في الهواء...🌬

لا تلُم قلبي بعشقك..فقد اصبحت انسانة اخرى بعد ماحصلتُ عليك...اصبحت كالرصاصة حين تلامسها الحرارة تنطلق....☄

~~~~~~~~~~~~~~~~~~~~~~~~

حظني حييل وانفجرت بالبجي بصوت..وكتله ليش ماعدت تحبني عزام..ليش هيج تتصرف وياي ببرود كدامهم...

كال اعوذ بالله من الشيطان الرجيم الجاي يوزج..يابه يابرود..وشنو بطلت احبج..شهل الكلام..انتي بكلبي..كلشي...

كتله ببجي:ماصدكك بعد..طلعت انه بس بالليل تحجيلي عن حبك..مو هيج

عزام:هاي شبيج شنو بالليل بس احجيلج عن حبي..لازم احجيلج عن حبي كدامهم واتغزلج لو شنو

بجيت اكثر:لااااء مكلت هيج..انته ماتفهمني..ولا راح تفهم...كمت عنه..وكتله مابيه شي بس اريد انام...ونمت بعيد عنه...

بس هو ماعافني..ورجع اخذني بحظنه..ظلت ادور بيه الغرفة عبالك مرجوحة..وحسيت بصداع قوي..ومعدتي ظلت تخبط...

كمت منه مثل السكران وظليت اتقيأ عالأرض...وهو يعرفني كلما انقهر هيج يصير وياي...بس هالمرة الصخونة قويه...

اجالي ولزمني وكومني ورجعت اجفت الي بمعدتي..اكلت مساع بغرفة اميرة جابتلي اكل لأن ماتغديت...

اخذني للحمام..يغسل بوجهي..ويكول شجرالج ليله على كلشي تعصبين وتسوينها سالفة..صايرة نكدية وعصبية...

كتله بتعب:مابيه شي..وماكملت ورجعت اتقيأ..حسيته لعبت نفسه بس ماتركني...

غسلي واخذني للفراش..غطاني..وراح صاح لأميرة..اجتني وكالت شبيج ليال...

رفعت راسي بتعب:مابيه شي..وين راح عزام

اميرة:كلي اجي اشوفج وكال تقيئتي ومصخنة..وملعوسة الأرض..يمكن راح يم نرجس

كمت بتعب:اهاااا خوش..مابيه شي عمري روحي نامي..انه انظف

اميرة:انجبي شنو نامي..وانتي صايرة طلي من المرض..انخمدي خل انظف..يعع شكد تتقيأن نسوان عزام..بالله نرجس حامل..بس انتي هاي كلما شفتج متقيئة... عوووع لو منه ادفرج وماابوسج

كفختها برغم تعبانة:عابت مانه عليه هسة لو مكسور خاطرج لو شنو حقيره

اميرة:الاثنين هههههههه..شبيج ولج لا تكونين حامل..هاااا هاااا..وتغمزلي..سوايات عزومي هاي ماتتسولف نسوانه ثنينهن بنفس الوقت