الحليب المُر

بارت ال37

السلام عليكم احبابي

بارت ال37

أذابني مُر الحُب وقلبي عازم
لأن يبرح حتى ينالك...
ويزيل مُر انتظارك
ومُر تلك الأشواق....
لشهم وجيهان💔 بقلم الكاتبة xdsse17

رفعهن بوجهي..وكال بتسائل شنو هالحبوب جيهان..ليش تاخذيهن وانه مامقربلج ابد...

خفت هاي حبوب شجابهن..ماخذتهن من زماااان من يوم حبلت بحاكم بعد ماخذيت اي حبوب من ولدته...

صاح بغضب شيسون عندج هالحبوب مو احاجيج..كتله بخوف مو مالتي..ماكملت اجاني بكف قوي......

ظليت ابجي ولازمة خدي..ويعيد السؤال ليش تاخذين هالحبوب هااا..ويرجع يضربني..وشبعت كتل منه اول مرة يضربني من تزوجته لحد هسة..وبسبب مالي ذنب بي....

عالأكثر بسبب الزلم الشافوني...لأن كلما ارد احجي يكلي والزلم الشافوج جيهان شلون شسوي اروح امحي ذاكرتهم لو شنو....

آخر شي شمر الشيت مال حبوب بغضب وكال ماتحجين ليش تاخذين هالحبوب شتسوي هنا عندج وناقصات همين...

كتله بدموع واناشق... والله مو الي اخذتهن من قبل بأمرك وبعد ما اخذتهن ابداً وليش اخذهن وانته بعيد عني...

شهم بعصبية:لعد المن هالحبوب ماتكليلي..سكت شوي وهو يلهث من العصبية..فضة تدخل غرفتج مو

هزيت راسي ودموعي تنزل:اي والكعبة تدخل مرات تريد تاخذ ابني تكول انته تريده..بس ماكمت أمن بيها من بعد ماشفتها مرة خنكته مدري شنطته...

شهم كاطعني:ولج شنو هالحجي شنو خنكته..منين جتي هالسالفة هنوب..وظل يباوعلي بشك...

كتله ببجي:اي بليلة عرس عيسى لحكتها داخلة هنا وهو نايم ماخذته شفتها حاطه اصبعها بحلكه ومختنك و...

شهم كاطعني:ولج شهالحجي وماكتيلي غبية انتي حمارة..هااا هاي مريضة نفسياً..ليش ماكتيلي هاااا..ليش فاهية انتي

اريد اسيطر على بجيتي واحجي ماكدر:اذا اكلك تصدكني وانته كل ظنك انه ادور مشاكل واتحارش بيها عمت عينك عنها يعني اكيد تعرفها انته...

ماكملت حجي طلع وعافني..وظل يصيح فضة لج قندره بت القنادر..وظل يغلط على اهلها وسباها من سابع جد...

لبست شالي كل خوفي ابني ماهمتني لا فضة ولا شهم..نزلت بسرعة..رحت لعمة شمعة اخذته وشبكته حيل...

كالت شسوالج شهم..وظلت تتفحص وجهي..كتلها ماكو شي عمه..وبجيتي ماكدرت الزمها..وكمت ابجي بقهر...كامت على حيلها اتكت على عوجيتها...

شمعة خاتون:ايا كو........ مايحاسب الحية مالته..يستقوي عليج ويضربج..انه اله ابن جليل مستهتر...

طلعت بره..وانه لازمة ابني حيل وابوس بي وانحب..واسمع صريخ فضة ترس البيت ترس..خفت والله هاي خاف ترجعها عليه...