الحليب المُر

البارت ال29

السلام عليكم

بارت ال29

هل انا خاسرة هل انا فاشلة..هل انا محطمة..هل يجب ان اكون كذلك...لا والف لا... انا حياة لنفسي..انا احب نفسي..انا اقدس نفسي...لا تهتمي..لكن احذري مما تتمنين احياناً...👌

~~~~~~~~~~~~~~~~~

وديتله الكهوة..وكتله تفضل عمري..وظل يلتفت عالولد..وصغر عيونه اليه..عود لسانج لزمي....

جان بنظره انو هو الشيخ وجبيرهم مو حلوة بحقه بنية بعمري خلته يحبها..وميريد يبين هو شكد يحبني كدامهم..يعني عود يحافظ على شخصيته وهيبته...

منا يخاف على مشاعر نرجس لا تزعل..وانه بالطاك ازعل ما ازعل مو مهم...

كلت بكلبي..اشرب كهوتك حبيبي..هني ومري..بعدها كباله مشرب منها ينتظرها شوي تبرد..

اشو ندمت سويتها...لا يالله..وشفته خذه رشفة من الكهوة....ونزل الفنجان..وكال ليال تعاي يابه...

رحت يمه وتوترت..كال كأنو الكهوة لونها غريب وريحتها على غير المعتاد..ورفعلي تك حاجب...

انه صرت كيوت واباوعله بنظرات بريئة...

وهو يباوعلي بتمعن..كتله يتراولك..يروحي..اجتني كرصة منه بفخذي بخفية..من كلت يروحي..بس تقريب انه احجي بصوت ناصي وياه...كلمن لاهي بسوالفه

..محد منتبه النه..باوعت لنرجس..تألمت من الكرصه..كلت تعاي كعدي بصفه كلش خل يكرصج انتي شيصير انتي كله عيني وعمري بس ليال سبت الأسلام من كالت عمري وروحي....

انتبهت انه بصفه كلش..حبيت وابتسمت عليه شرب من الكهوة..وكام يكح..ويكول يلعن بليسج..حاطه شكر بالكهوة السادة...

لزمت ضحكتي بأنتصار..مايكدر يحجي..قابل يكول مرتي حاطتلي فلفل وملح..شرب منها وهو المنون..بس رشفة وحدة...

عزام بحدة:شكثر شكر حاطة بالكهوة..منيلج هالفكرة

ابتسمت:لاااا يااا نسيت تشربها مرة..يالله اسويلك غيرها..لو تكملها..انطيني اياها ازيد الكهوة عليها

عزام:لا يعمري انتي شربيها.. لازم تشوفينها شكد طيبة

انتبهت لكلمة عمري بس ومانتبهت لشي ثاني...وكلي يالله ضوكيها عيناي...

طلعت اسناني اباوع لنرجس وباوعتله:بس انه ماحب الكهوة السادة اشربها سكافيه

عزام:اكلج شربيها اشوف..يالله ضوكيها شكثر حالية

اخذت الكهوة واخذت رشفة منها..ظليت اكح..كال بعد بعد تشربيها كلها..حتى بعد ماتحطيلي ثر بالكهوة السادة...

خلاني اشرب الكهوة نصها..من شافني راح اتقيأ..اخذ الفنجان..وحطاه بالصحن..وكال ليله شصارلج...

كتله واحترك لساني:الخبز الخبزتيه يالرفلة اكلي

وهو طكها ضحكه قوية..وكال سودة بوجه العدوان الشكر موع روحج..اسم الله عليج يابه فداج اعداج...ويربت على ظهري...