الحليب المُر

بارت ال26

هلاوووووو 🙈 مدري ليش خجلانة من القفلة اول مرة 😂 🤪

البارت ال26

مدري شوكت..فزيت على ايده تفتحلي شعري..ويخصله..توترت وتبنجت..اول مرة يكون قريب هل كثر مني...

صار يشم بشعري بلهفة..وكلبي ومشاعره الجياشة..غييير شعور بقربه..كال صابغته..هزيت راسي بأي...

والتوتر غلبني..ورجع يشم عطر شعري..وكام يشم بخدي..ولهفة روحه توصلني....

واول مرة بحياتي يكون قريب عليه هلكد..باس خدي..وابتسم بوجهي وهمسلي بكلمات عشكه...

عزام:عاشكج ياعشك..كولي اهواج..يالمضه وقضه والجاي انتي...

ظل يباوع بعيوني..ساكته..وصفنت بوجهه وذايبة بي وهايمه بحبه...كال شكد تحبيني ليله...

كتله بلهفة:كد السمه والكاع..كد الراحو واجو والجاين..عشكي الك ماينعد وينوصف بحجم..كل الأعرفة احبك وبس

عزام:اوويلي..يابه فددااااج كل عدو على وجه الارض..

حط وجهه بين شعري وذاني..ورجع يشم بيه..ويرجع لخدي يشمه..ونزل شوي شوي وظل يشم بركبتي...

حس بيه ما مرتاحة ومنزعجة..رفع راسه اليه وكال شبيج..ليش تتراجعين شنو خايفة مني...

كتله بأنطلاق:لا ما مرتاحة..احس جاي يصورونه..يمكن حاطين كامرات

عزام كتم ضحكته..بس ماكدر وانطلقت ضحكته بصوت...

كتله شيضحك...؟؟؟

عزام يضحك:منين تجيبين هالسوالف..يابه أمني لا تخافين ياهو يصورنه يعني..هههههه والله ضحكتيني

ليال:الا كلشي يصير بهالوكت يسوها

عزام:اي صدك حجيج..كلشي يسون بهالزمن..جااااا خلي يصورون هاي اللقطة..الشيخ يبوس مرته لأول مرة...

ردت احجي اخذ شفايفي بين شفايفه..وباسني بلهفة..ماعرف شصار وكف الزمن بهاللحظة..اندمجت..والمشاعر جياشة...

وخر عني..ورجع باسني..وحس بيه ما مرتاحة..وجهه بوجهي كلش..وكال ليله شبيج ياعمري مامرتاحة أمني وياي يابه...

كتله بقلق:مامرتاحة والله..احس يصورنه اضحك عليه بس ما مأمنه

عزام ضحك:شلون هسة نكوم نفتش عن الكامرات

وخرته عني وكمت..وكتله اي تضحك عليه..وانتبهت لنفسي عصبت..وسكتت...

عزام:ههههههه هلا بالعصبية يابه..هذا هو ليله ما مأمنه..يجرالج شتردين..بس تعاي يمي لتبعدين

رجعت يمه..سحبني لحظنه حيل..وعصرني بين ظلوعه..وكال يعني هسة بس راح اشبك...

سكتت خجلانة شكله هسة..ماحاسه بالأمان بالفندق...