الحليب المُر

البارت السابع

مرحباااا

للمتافعلين 😍

البارت السابع

تضييق ولكن ستُفرج يوماً ما.....لا تعتمد على وجود احد معك كلهم مجرد وجوه واقنعة...ستسقط يوماً ما...

كن لنفسك كل شيء...فلا احد يصلح مابداخلك كما تفعل انت.....

*********

عزام عدل كعدته:حجية صدك تحجين..زمانكم غير عن هسة..وجيل قبل فاهمين مو هسة البنات مو كد بيت ومسؤلية وصايرة الحياة تحكمها مشكلة وحدة وينفصلون

شمعة خاتون:عزام شنو بداخلك..انه امك واعرفك..شنو ضام عني..احجيلي

عزام ماباوعلها:ماكو شي اخفي عنج..شنو يعني راح اخفي..عن اذنج حجية رايح راح يجوني ناس..وكام يروح وهي كالتله الله وياك يمه..وطلع...

هي جانت بالباب وتسمع كلامهم..اول مرة تتسمع على كلامهم..ومن سمعت عزام كال عن اذنج..ركضت وتريد تدخل المطبخ...

وكفها صوته..وكلها ليال..جنتي تتسمعين بالباب..والتفتت بهدوء وعلى وجهها ملامح أسف..وكلها بتحذير..لا تعيديها..وهزت راسها بأي وهي خجلانة...

وكال عاشت ايدج الجاي طيب..وراح وطلع من الكلدور الكبير..والي حجمة من بداية الارضية لنهاية السكف..وكله جام مظلل ومزخرف بأبيض...

والحديد مصبوغ ابيض وزخرفة الحديد اطرافها ذهبي..وصاير فد شي شكله يجنن...

ظلت تباوعله وهو يطلع..وتفاجئت بصوت حاكم وراها يكلها..مزوج وعنده مرة ولو جايب طفل بليلة عرسه جان اكبر منج هسة...

ليال ما التفت وارتبكت:شتقصد انته شهل الحجي..كلمن يشوف الناس بعين طبعه..ابو النسوان اخر شخص يحجي...

ورادت تروح سحبها بسرعة من ثوبها..وعقد حواجبه..وكلها لسانج طولان مو بس كبرانة..انصحج لا تتقارشين وياي ترا العقل عندي 5 %  والخبال الفين ب%

ليال خافت منه:اتركني عيب عليك تلزمني..ومنو متقارشة وياك..انته تتحارش وتحجي عليه

حاكم ضحك:ابوي انتي..منو يحجي عليج..غير اموت على استفزازج..وتركها..هاللون عليج حلوو..وترا احب هالنقشات الي بوجهج..وغمز الها..

ليال فلتت للمطبخ وهمزين ما اجه احد منهم وسمع حجيه..شكد تضوج منه..ومن لزمها وهو سكران كرهته اكثر...بس شكله مايذكر شكال لو شسوه...

وتذكر من كعد فوكها تمووت منه تتقرف منه..لو ما مخلصه نفسها منه جان هسة شصار بيها..ماتعرف ولا تريد تفكر...

تحس حاكم راح يسببلها مشكلة خاف يطمع بيها بشي عادي عنده هو ابو نسوان..واتذكرت من كلها عاجبتني ليال..وهسة يكلها احب نمشج...

وتذكر كل كلامه من قبل..يحجي عليها واكثر من مرة يحجي شي جريء عن جسمها..وتكرهه اكثر..وبالرغم ماتلبس ضيك...