الحليب المُر

البارت العاشر

هلاووووو احباب قلبي ❤

بنات فدوة بلا غلط عالأبطال ترا بذمتي 🥺💔

البارت العاشر

لم تمضي تلك الايام فكانت حَسرتي تصل أليك وانتَ تعلم مكان تألمي واين بالتحديد...كُنتَ تعلم بأنهُ قلبي ولم يكُن جسدي يوماً...

قدمتني الى الثعلب بيدك يامليكي..فصرت اقول لم يفارقني مليكي انما انا فارقت الحياة......

بقلم altmeme313

~~##~~##~~##~~##~~

دخل للغرفة بأبتسامته ولابس قاط كحلي..وهمين بي يلك بلونه..وقميص ازرك فاااتح..وربطة رصاصية وبيها تخطيط كحلي.......طبك الباب وكلبها نقبض ويه طبكته..ورجليها كامت ترجف...

اتجهلها بخطوات بطيئة..وهي زادت بالبجي..قرب عليها كلش..وهو يكول اسف ليال اسف روعتج من قبل..انه احبج والله احبج...

ليال ببجي:اسفك وين اصرفه بيا محكمة مشاعر..وخرت عنه..وبس تبجي وهي خايفة منه...سحبها عليه وحظنها حيل...

ليال....

هاي عود صدك راح ابجي على صدر شخص حاول يكسر كلبي..اصلاً هو كسره..وطعن بشرفي كدام ابوي..ربي ارحم حالي عبدك انه...

وخرت عنه ورجعني..ويكلي ليله انسي الراح اريد ابدي وياج صفحة جديدة..لو تردين اموت مرات مو مرة المهم متعوفيني...

ساكته وابجي ماعرف شكول..والخوف مسيطر عليه..ماعرف اصدكه وانطي فرصة مادري اكرهه واحقد...

حيل احتاجيت امي بهاللحظة..كالتلي شراح يصير الليلة وانه ما مستوعبة..جنت اعرف بس ما متعمقة بالتكفير اخجل حتى بيني وبين نفسي لذلك ولا مرة متخيلة شي...

ورأسن طفر تفكيري انو عزام وخالة نرجس هيج يصير بينهم..واكول لا يالله..وخجلت..مدري ضجت مدري ودي انطي نفسي كف على هالتفكير التعبان...

وخرت عن حاكم اشو اخذني الواهس على صدره..وكتله بخوف..خايفة..اشو ضحك السخيف..هسة كون انزعه حذاءه وعلى وجهه........

حاكم باس جبينها:ليش شكو يخوف هو

ليال:مادري انته هم خايف

حاكم:ههههههههههه لج عشيرة كاملة اجت عليه تريد تكتلني ماخفت..اخاف منج يعني لو شنو ههههههه

ليال عصبت:لا تضحك على خوفي..خووش

حاكم سحبها اله:ترا انعل والديه هالخوف..الليلة ليلتي اليه وهذا الخوف طلعي بره..ويالله بدلي الفستان ترا ابدلج بنفسي

ليال ابتعدت عنه:حاكم اخاف كل وعودك هاي بالهوى تروح..حجت هيج وهي بداخلها ميته خوف منه..وماتنسه مريم ابد...

حاكم:ازوجت مرتين قبلج..وشكد عرفت بنات..بس ماجت الي خلتني اطعن كلبي سجين..ونزع سترته وفتح اليلك..والقميص..وطلع ندبة الطعنه..شوفيها ردت اطعنه لكلبي متقصد وماهماني شي..اذا ماعشت وياج ماريد اعيش بدونج