الحليب المُر

البارت الاخير

سلام عليكم احبابي

اسفة للتأخير جنت انتظر احداث مهمة جنت رايدتها بالنهاية وحيل سعيت الها اني وبنية وياي 😍 وحققناها اخيراً 🙈

طبعا قريت تعليقات اكو يكولون ليال سبب موت ابن نرجس عمي اتقو الله بعد شنو راح تكولون هي شعليها غير مات قضاء الله وقدره شنو قابل هي ضربتها لو سقطتها غصب هو ماتحمل بالثامن نولد ليش هالحجي بعد ترا حجيكم هذا ماله معنى تقبلين اكلج انتي سبب موت طفل 😡

ليال تكول انه نقلت قصتي حتى تستفادون ولو بتجربة بسيطة مو شرط عبرة بس اكو هواي اشياء بالقصة توصل رسالة معينة وكلمن ياخذ منها رسالته مو شرط اكعد اعدد الكم...

مانقلتها حتى تلوموني وتسبوني وادعون..انه بشر مثلي مثلكم وكل انسان يغلط ومحد معصوم عن الغلط..وماتمنه وحدة تغلط غلطي وغلط جيهان حتى لو بدافع الحب

ولا تكولون مو غلط السويته ماريد اي بنية تخطي هالخطوة...عزام عادل وماكو منه بس يمكن انتي ما اطيحين بنفس عدالته وشخصيته....

.................

البارت الاخير...

كانت بحلوها ومُرها جميلة..دعونا نمر مروراً جميلاً عليها..كانت كحلماً فيه شمساً ساطعة..لم نتمكن من فتح اعيننا بذلك الحلم....

ولكن كنا نرى مجرياته ومايدور فيه..هو مجرد حلم لكن خلد اثراً جميلاً في مشاعرنا..كانت مثل اخر قطعة حلوى لا نستطيع اكلها ولا نستطيع تركها...

عشنا مشاعرها بقلوبنا..حزنها وسعادتها..كانت خفيفة وثقيلة..جعلتنا نعيش احساساً جميلاً..لطالما اعتبرناهم فرداً من افراد اسرتنا...

مادامت قلوبهم تنبض فهذه ليست النهاية.....
.
.
.
.
.
.
.
.
.

ليال...

من راح يمي عزام هذيج الليلة..ماعرف شصارلي صرت ماسيطر على مشاعري..كعدت ابجي بدون وعي وبدون سبب...

حتى معتز اجاني وظل يمسح بوجهي ويلزم وجهي بأيديه الصغيرة ويكلي ماما ابسي..عود ماما لا تبجي...

كتله بدموع:ماما امك غبية..بس لو ما غباءها جان ماجيت انته للدنيا..وابوك بقه وحيد للأبد..او يمكن مافكرت تزوج ابوك جان هسة متنعم بحياته وماما نرجس هي ام اطفاله الثلاثة الراحو..ماما امك غبية بس تحبك وتحب ابوك وماماتك نرجس

ماما تحبكم هواي..كلكم تحبكم..حظني وحط راسه على جتافي..ويكلي احب بابا ماما.. اجس ماما...

ضحكت عليه..هو دوم يكلها اجس ماما بالعكس يعني..مو عزام كدامه يكول نرجس ولزم هالكلمة بحلكه..كام عزام يصيحلها ام معتز كباله...

يكلها تعتز ونخرب ضحك على تكسيرة للحروف بس لسانه طويل وذكي بشكل..ويشبه ابوه بالفطنه...