الحليب المُر

البارت الثامن

هلاووووو احباب قلبي ❤

البارت الثامن

منذُ أن احببُتك لم تكنْ نبضاتْ قلبي مستقرةّ... كلما رأيتك يموتْ قلبي بعدد نبضاته..هذا الشعور لم يفسرهُ سوى احساسٌ اميُ ...قلبكَ القاسي لم يشعر بموتِ قلبي امامه...

عندما يأتي موعد موتي...لاتقل على قبري انك تحبني....لأنك انتَ من قام بقتلي....

~~~%%~~~%%~~~%%~~~

فزت على ايد بركبتها وتتسلل بهدوء على صدرها..ونقزها بأصبعه..نقزتين...ونزلها على بطنها...

وفتحت عيونها شافته وفزعت مخترعة ومرعوبة...وعلى وجهه ابتسامة جانبية...وهمسلها..صباح الخير حبيبتي ليال...

غطت نفسها عدل بالبطانية وهي خايفة:شجابك هنا شتريد..وصاحت ماما..

حاكم بأبتسامة:يالماتعرفين امج طالعة وابوج كذلك..وآدم وعلي يشخرون بالهول..والله طلعتي حلوة  بلا حجاب

ليال خافت وكامت بسرعة ولزمها:شتريد عوفني..وتريد تصرخ..خنك حلكها...وسطرها عالمخده رجعها وجهه فوك وجهها ولازم حلكها...هي ماعدها سرير تنام عالارض...

حاكم:من ساعة الرفض ليال اشتغل عندي الاحساس..اتصدكين جان عطلان..شكراً لأن كعدتي من سباته..وابتسم...

وشكثر تخاف من ابتسامته المستفزة..والبارحة يكول شكد تحبني يعرف ماتحبه بس يستفزها..وابتسامته تخووف...

ليال وخرت ايدينه وهو ابتعد وكعد وتكتف...

ليال:وهسة شرايد..وغطت راسها بالبطانية..وجسمها ماتحب يباوعلها...

حاكم:رايدج ليال رايدج

ليال:بس انه ماريدك..روح اطلع هسة لو اجو اهلي شيكولون تظن حلوة بحقك وبحقي هاااا

حاكم اتقرب عليها وهو كاعد:ماشي وصلتلي الفكرة..وراد يكوم..هاااا اي الأحساس.. كتلج بعد ماعليه..وابتسم...وكام...

وهي قشعر بدنها مافهمت شي بكلامه يحجي مخربط لو شنو..وخافت صدك خافت ماصدكت طلع..وتكول ياربي خلصني منه هذا منين طلعلي...

ليال نفضت البطانية بعنف:اقرفني من الصبح..وحظنت صدرها..حقير يستغل طلعت اهلي..باوعت للشباك موخر البردة..كامت وهي جسمها نحلان..

تهبطت البارحة وهسة من الصبح..وتكول هذا طامع بيه بشي ثاني مو محبة..مايخجل على نفسه مايكول ربت عدنه ومثل اختنه...

وتذكر هي تحب الشيخ..وظلت تعتب على نفسها..لعد ماكلتلي مثل ابوج ومرته صديقة امج ومثل الخوات..وحزنت من الصبح...

وتتسائل شضامتلها الأيام..كامت كعدت اخوانها..وسوت جاي وحطتلهم ريوك..وحاولت تاكل حتى لو لكمة..ماكو شهية...

وشالت الأكل..وكامت تنظف وشافت امها محظرة اشياء للغده..كامت تسوي عن امها على ما تجي..وغسلت ونظفت...والبيت ريحته تجنن سوته...