الحليب المُر

بارت ال23

السلام عليكم اصقاقي 🙂

بارت ال23

جااا ضامن كلبج ساكت جان الدنيا احركها...
خليها بأذنج ترجية..خلكي بس وياج يطول👑❤

~~~~~~~~~~~~

اول مافتحت الباب جان عزام بلا بشت بس دشداشة وعكال وشماغ..وحتى مكال ولا كلمة وسحبني من ايدي...وشكله عصبي...

كلت عززاا شراح يسوي..وين ماخذني عزام..كتله وين ماخذني شتسوي انته...

كال بس احاجيج..كتله ومايصير تحاجيني بالبيت لو بالتلفون..كال بعصبية لاء صعدي بس احاجيج...

وسحبني يصعدني وانه اسحل بنفسي منه..واكله اتركني لاتلمسني ايدك مو تعرف الحلال والحرام ياشيخ وماروح وياك مكان...

مارد عليه صعدني السيارة  من ناحية مقعده حتى لا افلت ويلحك عليه...وانه مصدومة واريد انزل لزمني من ايدي حيل..وماصدكت هذا الشيخ...

تسرسحت للمقعد الثاني اريد اشرد..بس لازم ايدي قوي..واحس بحرارة دمه على ايدي..وحتى يمكن طبعن اصابعه بيدي من قوت لزمته اليه....

لابس محبس حجرته حمره..واول مرة انتبه لشعر اصابعه...وصحيت من فهاوتي على ايده....

هد ايدي وحرك السيارة..وانه اباوعله وعصبت عليه..ماعرف شصارله هاي مو تصرفات عزام ابداً شجاه...

كتله:وين ماخذني..رجعني شنو موقفك ويه ابوي..لو شايفينه الناس..هسة يفقدني

عزام بعصبية:اريد احاجيج

ليال:مكدرت تحاجيني بالبيت لو بالتلفون..طلعت مخطط وناطيني تلفون حاكم حتى تجي ساعته مو هيج

عزام:لا ليله مو هيج انه..ابداً لا يروح تفكيرج بعيد..جنت جايبه الج لأن من قبل اصريتي تاخذينه وماهان عليه اردج..وماكدرت احاجيج بالتلفون..وشلون احاجيج يم ابوج

ليال:وهسة راح يخطفني الشيخ لو شنو

عزام بشبه ابتسامه:اخطفج ليش لاء بس المهم ماتزوجين

ليال:عزززاااا هاي انته..شنو صار لعقلك عود انته الشيخ العاقل..ومتخاف من الحجي عليه وعليك

عزام:اي تسودنت من وره تهورج وتسرعج..حجوو علينه وراح...اسمعيني ليله هذا الولد ميجي يشوفج..ترفضين الزواج..ماتزوجين وانه حي

ليال:مع احترامي شيخ بس بصفتك منو وتمنعني

عزام ضرب عالسكان بعصبية:شكول انه ليله...ماااااتزوجين وانه حي

ليال:اي بصفتك منو..انطيني تحديد حتى اعرف شرد

عزام:بحسبتي مثل ابوج

عصبت:عندي اب واحد وبس هو خلف..ورجعني هسة يفقدوني..شنو تكلهم بالله

عزام:ارجعج لا تخافين ماخطفج..ماسويها تالي عمري..بشبابي ماخطفت ونهبت..اكو احد ينهب بنيته..وباوعلي  وميل راسه...