الحليب المُر

بارت ال24

السلام عليكم

اليوم فكيتها الطنكوره 🙊🔥

بارت ال24

لم اكن محتارة يوماً كما انا اليوم...حُرت بين محبتي لك واخلاصي..انا حروف مُبعثرة..انا شتات..انا اوراق خريف صفراء سقطت لتلاقي حتفها ومصيرها في ايدي الرياح...

تستدرجني حسرة بعد حسرة..تدفعني لقتل قلبي..انا كشجرة انبتت في حديقة منزلك..وقام بقطعها جارك لأنها تزعجهُ بتساقط اوراقها على باحة منزله....

لأصبح حطباً لنار بيتك..انت الآن تتدفئ بناري..اياك ان تمد يدك اليه كي لا احرقها....

الأ ترى ناري مستعرة...انت بالنسبة كرواية عشقاً لم تكتمل ليقتل الفضول قراءها🔥🔥

~~~~~~~~~~~~~~~~~~~~~~

ليال...

ساكته..كلبي راح ويه الصعد الدرج..والغربة كلت روحي...الجهال يكلولي نامي هنا ليال...ضحكت كتلهم ميصير باباتي ميقبل...

والبنات يكولون اي ليله باتي هنا..هزيت راسي بالنفي..وكلت لا ميقبل ابوي...وخابرته كتله بابا راح يجيبني عيسى كال ماشي....

اجاني عيسى..كمت..وسمعت صوته يكل لعيسى مو تمشي مثل المخابيل وليال وياك...

عيسى كال بضحكه غير تخنكني ام اللباقة كاتلتني بفلسفتها السياقة ذوق ومدري شنو...

ما التفت لصوت عزام ولا للوراي..ومشيت بخطوات بطيئة اريد اروح بس قلبي باقي وراي..وياه...وبيده...

رحت ويه عيسى...وبالسيارة ساكته..كاال ليال شبيج شكلج ضايجة...

اختنكت بعبرتي..من واحد يسألني هيج..تتكوم عليه آلامي وقهري..كتله مابيه شي بس نعسانة...

عيسى شغل المسجل:جوعانة..اخذلج عشه..شوي بس دقايق ما تأخر

كتله:لا تسلم مو جوعانة

اللطمية اجت على جرحي..ماذنب طفلي بسهماً للعدى مذبوح...باسم الكربلائي...اتخيل الحسين شلون شال طفله المذبوح الله يساعد قلبه...

عيسى:اعرفج ماتسمعين الأغاني حطيتلج باسم..وهو عزام كله نوح مسجل مالته هههههه..لو بسيارتي جان وصلتج لقاعة عرس...

اذكرت حاكم وهو نايم بحظن عزام ومدمم...ظلت تنزل دموعي من بحدهن..درت وجهي للجامه..بس حيل تأثرت..والدموع صارت ثنين واربعة وستة...

ظليت ابجي مثل طفل امه عافته ويريدها ترجع..غطيت وجهي بيديه...وعيسى وكف السيارة وكال ليال شبيج...

ابجي وما اجاوب..وظليت اشهك..ومغطية وجهي..وكال عمي ذكري الله شصارلج..وطفه القصيدة وكال هاي طفيتها...

ماجاوبته خطية شكثر حجه وياي..انهاريت بالبجي وصلنه مانزلت بعدني ابجي بصوت..راح دك الباب طلع ابوي...