الحليب المُر

بارت ال21

سلام عليكم

بس توضيح لشغلة ليال صدفة جانت وفكرت بالمبايل وعرفت محتواه بالصدفة تكول طول سنة مافكرت بالمبايل فجأة فكرت بي وكتلهم اريده...اذكرت موقف...

حاكم مرة ملمحلها وكايللها قبل موته بأيام ليال اذا متت مبايلي يبقه يمج....حتى كايلتله ليش هالحجي اسم الله عليك وشلي بالمبايل بدونك....

وغلسو عالسحك كلش ماشوف وكتبت البارت 🥺😭

بارت ال21

الشخص الذي قادر ان يستغني عنك ليوم واحد قادر يستغني عنك طوال العمر فلا تثق بمن يغيب ثم يعود مشتاقاً إليك......

منقول...

~~~~~~~~~~~~~~~~~~

جنت انه الأموت بدونه..حيل فاقدته..كتلها خالة اطلب منج طلب..اريد تكولين للشيخ اخذ تلفون حاكم..اريد احتفظ بذكرياته هاي الأريده بس لا ورث ولا بيت ولا فلوس...

نرجس:ليله انتي طلبي هالشي منه..هو تلفون زوجج من حقج

هزيت راسي الها..ورجعت دكيت باب الديوان..وكال تفضل..ودخلت..وكال هلا بويه خير نسيتي شي...وظل يباوع بوجهي...

يمكن لاحظ وجهي احمر وباجية..دنكت اخفيت عيوني وجهي..وكتله اكدر اطلب منك طلب شيخ...

عزام:عيني

بعدني مدنكه كتله:تسلم عينك..تلفون حاكم اكدر اخذه..حوراء كلتلي هو وياك

عزام سكت..ورفعت راسي اله ويباوعلي بشكل غريب..وكأنه ميريد ينطيني المبايل..كعدت على ركباتي كباله...

كتله بهدوء:عزام ماريد شي من ورثه اريد مبايله بس اريد احتفظ بذكرياته...وبعده ساكت..ونظراته الحزينة خلتني احس اكو شي وسكوته موتني...

هاي اول مرة اصيحله بأسمه..كله اكله الشيخ..بلعت ريك..وسكتت منتظرته بس يحجي..تنهد وحجه...

عزام:بس ماريدج تاخذين مبايله..راح يبقه يمي المبايل

حجيت بكل قهر:ليش هو شكو..مو مبايل زوجي..اريده عززاام

عزام بشوية عصبية:راح تنقهرين وتبقين على حالتج هاي..بي اشياء مالازم تشوفيها

جهزت دموعي ماعندي غيرهن..خليتهن على اهبة الاستعداد:ليش هو شنو بي ميهمني مهما يكون شي راح

عزام:تاخذي بس يرجعلي ماشي يابه

ليال:لا ماريد ارجعه..اريد احتفظ بذكرياته..وهالشي من حقي..مهما يكون بي ميهمني

عزام:ليال انطي الج..ويرجعلي..كالها بأمر وتحذير...ماكدرت غير اهز راسي بالموافقة...

اشرلي اكو باند اوراق عالمكتبة ويمه المبايل..حاطه هناك ميشوفه احد..رحت للمكتبة...وكفت كبالها..مديت ايدي رفعت ورقة من الباند.....صدفة شفت مكتوب على الورقة الوسطية اسم واضح...