الحليب المُر

بارت جديد 4

السلام عليكم خوب ردو السلام مو مثل هذاك البارت 🙂🔥

نززززوووول عليكم عالتفاعل (بصوت نادية)

يكلها مابين الاجئ والأسير كلبي دخيل يمج🖤

ليال.....

نايمة بعمق بعد ماراحت نرجس ويه اخوها رجعت نمت لأن ريحان كضتها تردح بالليل وردحت كلبي وياها...معتز يم ابوه...

حسيت بأيد عزام يكعدني:ليله كومي اريدج

كمت بنعاس مديت شفايفي بزعل:شنو اكو

عزام:كومي بسرعة غسلي رايدج بالديوان

ليال:ماريد اتناقش وياك عزام اريد انام تعبانة..ردت ارجع للمخده سحبني من زندي وكومني على حيلي...

عزام:مو وكت دلعج وسوالفج الماصخة ليله تعاي لحكيني للديوان دقايق بس واذا ماجيتي احاسبج كولي ما كال....

عافني وطلع..كمت بثكل غسلت وجهي فرشت اسناني باوعت للساعة ب8 محد اكو بالبيت بس أمير وبدوامه اخذت ريحان وهي نايمة ماكدر اعوفها تطك من البجي ماسمعها لو نزلت جوى...

لبست شالي خاف امير يجي..رحت اتجهت للديوان كلبي يدك بتوتر شيريد يحجي عزام بالديوان..كلت بس لا صايرة مصيبة...

لعبان النفس داس بطني وبطن الخلفوني...خايفة من هالموضوع مدري حامل مدري مريضة مادري شبيه...

دكيت باب الديوان..سمعته يكول تعاي ليله..دخلت جوى تفاجئت ببنية شابة كاعدة بعيد شوي عنه وتكطع بأصابعها...