الحليب المُر

النهاية

صباح الخير حبايبي تعالو نتناقش ونتبادل الافكار والسوالف بالأحداث الاخيرة بحياتهم

اولاً حبيت اشكركم على 200 تعليق امس 🙂 جد شكرا شكثر تعبتو نفسكم ممنونين ممنونين لحد الآن مقاريتهن بكد ما هووواية التعليقات 🙂

شو تركتوني من وصلنه للنهاية...💔

اعرف مليتو الاحداث صارت ملل وكتلكم من قبل خل اوكف بوقت معين ماقبلتو ☻🙂 اتحملو الاحداث بكل حذافيرها

يالله اني هم راح اتركم مثل ماتركتوني بآخر فترة..ممنونة حييل منكم وماقصرتو والله جد مازعلانة منكم ابد كلش احبكم

واشكر كل واحد تفاعل وياي واسعدني بمروره وتركلي تعليق جميل والي ترك دراسته واجه يتفاعل بالقصة....تعبتكم وشلعت كلبكم وظروفي جانت ماتسمح انشر كل يوم فأعتذر حيل شلعت كلبكم

كلش كلش حبيتكم وعشت وياكم احلى اشهر بهالقصة..وامووت عالتواصل وياكم والمناقشات الصارت بينه 😍

ضحكنه بجينه..فرحنه سويه وياهم...ابتسمنه بحب غمرتنه مشاعر جياشة..واكثر شخص حبيناه حويكم..💔😢

حبينه ابطالها وعشنه وكأنه عشنه وياهم..والله اني عشت كل تفصيل عاشو وكل مشاعر كل دمعة كل فرحة كل ضحكة تلامستها بمشاعري وخيالي

سردت القصة بدون بحوث وقراءة كتب..سردتها على الي اباطن عقلي لا اكثريعني لا استعانيت بكتب وفلاسفة والله العظيم..ولا درستها ابد القصة سردت على فطرتي...

وللمعلومة اني اقرأ كتب دينية موعظة من خطابات اميرنا علي عليه السلام..الى كتب الشباب وذروته وكيف تحمي نفسك بهاي الفترة من المعاصي...

وابد ماقرا قصص خاف البعض يجي ويكلي فلان مشهد من فلان قصة والله العظيم يشهد ربي ماقرأ قصص خاف عبالكم طورت نفسي بالقصص وماعرف شنو لا ابد

ماقريت غير قصة هذيان بين جمر وجليد..وحتى جنت خايفة من سرد قصتي بيها اوجه تشابه بين الحليب المُر خفت لا يجيني انتقاد بأنو اقلد

يشرفني وعلى راسي نورا ناصر اخيتي وصديقتي كاتبة متواضعة واخلاق وشخصية راقية ويسعدني ويشرفني اتعلم منها

بس ابد ماقلدت ولا بحرف احب اكتب الشي الخاص بيه الشي الي اني احبه ومقنعه بي ويطلع من اعماقي

حتى البداية هواي واجهت صعوبة بالسرد لأن تعرفون حاكم متوفي الله يرحمه فبناءاً على الي كاله ل ليال اني سردت احداث الماضي وعلى حسب اقوال عزام ل ليال وعلى اقوال امها ونرجس عن الماضي

جمعتهن بعقلي..وكلت بسم وبديت اخط احرف بارتي الاول..وسبحان الله كأني عشت وياهم سردت القصة بهالطريقة

اعذروني اذا بيها معلومة خطأ او طريقة السرد خطأ ماكو شي كامل والقصة مستحيل تطلع خارقة الكمال واكو كاتبات يسون بحوث ودراسات يالله يسردون رواية

اني على مبدأ صغيير ابني نص بارت مو احمد بنفسي بس جاي اوضحلكم خاف بيها اخطاء لأني ابداً مادرست القصة وبحثت وقريت لا كبل سردتها

اتمنه اكون اوفيت حقها للرواية وربي شاهد ماجملت اي شخصية او خليتهم هيج حتى تنبهرون وتنعجبون بيهم لا كلهم خليتهم على حقيقتهم...

واخاف تكولون ماموثقة القصة..نرجس وحبوبه شمعة وثقولي الاحداث والقصة وحتى ليال كالتلي تنطيني رقم امها

بس اكتفيت بتأكيد عمه شمعة..شي اكيد حنستر على بعض الاحداث علمود حياتهم وشخصياتهم لا تنعرف خاف ماتقبلون😁

طولت عليكم انتظروني بالبارتين الاخيرات..خاف ضجتو اني راح اخليها مفتوحة حتى يمته مايصير اشياء حلوة وياهم ينقلوها الي

ماكدر اسويهن ببارت واحد احاول ولو حيطلع فوك ال15 الف كلمة واكثر بس راح احاول الممل امسحه

اذا حابين تابعولي قصة بعد ضيفو قصة عيون ناعسة هي راح ابلش بسردها بس راح اخذ استراحة واذا ماحابين براحتكم فتشرفت بمعرفتكم كلكم واحبكم

وهااا ملاحظة لا ترحون اتركون ايموجيات وتعليقات ونقط بالبارت السابق حتى تكثر التعليقات ومدري شنو لا ابد والله ازعل منكم والحسين خلو الرقم هيج طبيعي بلا اضافات خوش عيني

تحياتي احبنكم