الحليب المُر

البارت ال13

السلام عليكم ♥️♥️

البارت ال13

النسيان صعب هواي بس الأصعب منه من ينساك الي يعيش بذاكرتك ويحتلها...

والألم صعب هواي ولكن الأصعب هو أنو ماتلكه من يقاسمك هذا الألم ويخفف عنك قسوته...

لاتظن هذيج الطفلة تبقه بأنتظارك..بعد هذيج الكسرات...

💔

~~~~~~~~~~~~~~~

حاكم:ليله..بس كليلي منو ببالج..واوعدج..هسة اروح اسوي الج جنازة..ولتخافين انتي ادفنج بباب بيت ابوج..حتى يجي ويروح يسحك عليج....

ليال ببجي وخوف:محد اكو ابالي..عوفني حاكم انته سكران....سكتها بيده...

حاكم:منو شهم..ويباوع بعيونها..منصور؟؟؟..وشافها هزت راسها..اها عيسى..وابتسم..صح..وعبس..لا مو صح...عزام....وشافها زادت بجي....وعبس وعقد حواجبه بغضب....

وحط المسدس بخصرها يخوفها حتى تحجي..وحسته راح يثقب لحمها بي..وكلها عزام مو هيج..اي عزام...وصاحت ساعدوني...ويه صيحتها رمه طلقة...

مجان متعمد بس فاقد عقله ميحس شسوة..وجان يريد يخوفها بس ومايريد يأذيها..بس مايعرف شلون ضغط الزناد....

وحست بالألم يحرك خاصرتها..وصرخت بعلو صوتها...وطاح منه المسدس..ولزم خاصرتها الي تنفض دم وانترست ايده وظلت ايده ترجف..وهي تبجي بألمها...

ويكلها اسف ليال ماقصدي اذيج..وبره الكل طلعو على صوت الطلقة..عبالهم صار هجوم...وميامين لطمت وجهها وكالت الطلقة صوتها اجه من غرفة حويكم اكيد هو دومه بيده مسدس عبالك لعبة بيده....

وظلت تصيح ولكم لحكو حاكم كتل ليال..واجو الولد ركض..وامهم دخلت قبلهم..وصاحت لا ادخلون..لأن حاكم شاك ملابسها من ناحية الضربة....

وجاثي على ركباته عليها..ويبرر لأمه..ويكلها ماقصدي يمه..وهي تلطم وتكله عززااا بعينك شجاك..تسودنت..جيبلها عباية ناخذها للمستشفى...

وكامت مشدوهة وجابت وغطتها بعباية..وصاحت للولد..واجه منصور وكلها شبيها شكو..ويشوف دم بيدين امه..كال حاااااكم يامخبل...

عزام جان بالديوان كاعد لهل الوقت..واول ماسمع الطلقة..طلع وراح دخل بسرعة..ومن شاف وسيلة ومنصور لازمين ليال والدم ومغمى عليها...

وميامن لازمة حلكها وتلطم خدها الثانية..ونرجس اخس من حالها...وبدون مايفهم عرف السبب حاكم...وصاح بكل صوت غاضب..حااااااكم...موتك على ايدي...

وشمعة لزمته بأرتباك:يمه مو وكته البنية راح تموت..هسة اهلها يسمعون

وسكت وتراجع..وراح طلع شهم مشغل السيارة..وابوها طلع بتسائل وخوف..وكال شصاير..وشافهم يصعدون ليال السيارة...ركض الها...