الحليب المُر

بارت ال15

هلووو   سلامن عليكم 🤓 متت ورجعت 🤓

بارت ال15

عريان السيد خلف

همت من غير راحة بال بس طرواك تبرالي
على جروحي الجروح تنوح حالي يشد عزم حالي
واهيمن ناحر وية الريح
ياريح الجفة شعالي
لمن جل الجدم هينوب منك ماشفت تالي.....

~~~~~~~~~~~~

خابرت حوراء وكتلها دزيلي رقم عزام ماعرف ماجه ابالي هسة غيره...وكالت شصاير كتلها بعدين اكلج بس دزي الرقم..لو كليله خل يجي لبيتنه بسرعة مصيبة....

ويه كلامي..وسمعت صوت الطلق..وكومة مو وحدة...يمه نشف دمي..وكلت كتل حاكم....وهسة يجي يسوي بيه مثل ماسوه بأخته حاكم...

رجع الصايح بينهم وتنهدت براحة كلت معناه ماتصاوب احد..واجاني رقم الشيخ من حوراء..اتصلت بسرعة واجاني رده....

عزام:عيني

ماعرفت شكله..بس كتله شيخ انه ليال مصيبة بيتنه..حاكم يتعارك ويه رجال عسكري..وسمعت كومة طلق...

حسيت بصوته اخترع على اخوه..وكلي جاي..بس لا تدخلين يابه..كتله بالغرفة حابسة نفسي..كال تمام جاي..وسداه...

اسمع الصايح والحجي..وهذا العسكري يكله اختي صارلك سنين تتعرضلها..تتزوجها لو اذلك انته وعشيرتك بالمحاكم...

حاكم:تحلم والله ازوج اختك السكط..ياشريف ابن الاشراف..بيك خير جان لزمتها..وانه اعيد على فضايحكم..خلها ابالك اشهرك واخزيك

توفيق:لك تاكل تبن..واختي اشرف منك ومن عشيرتك..ابن الس.......وغصبن عالخلفك تزوجها

حاكم ثار:ولك حشرة انته..منو وتغلط على امي..والله اسيح دمك واطلع خياسكم ياعارات..ويتضارب وياه..واحد شبع الخ بوكسات...

ماشفتهم بس مبينه من الصوت..والمناقشات..وهذا العسكري شكله مايعرف اخته بياعة هوى..والله يالله ويصيح اختي اشرف منك ومن عشيرتك...

كلت بكلبي رغم رعبي..روح نام بحظن امك وتغطه ومص اصبعك..بعدك بريء وصغيرون يمكن..ماتعرف اختك.......ويغلط على على عمتي وسيلة الحقير....

انه خايفة واندعي يجي الشيخ المشاحنة صارت قوية..وهذا يكل لحاكم انته مغتصب اختي..ويكله عار روح سوي فحص لأختك شوف ياساقط ماشية وياه...

كله اكدر ازور حتى الفحص..واخليك اتيخ بالحبس..

حاكم:هه اختك تسوي هيج عود تلوي ذراعي حتى اتزوجها..مانجحت بكل الطرق تخليني اتزوجها..بس خلها ابالك..اختك مداس ماسويها مو انوب مرة....

الي عرفته انو امل ارملة وماعدها اطفال لأنها جانت صغيرة توها مزوجة وت فه زوجها بمرض القلب من صغره مريض قلب...