الحليب المُر

البارت الثالث

السلام عليكم ورحمة الله وبركاته  عيوني شلونكم ❤😃

يكولون كلمن يعلق لجماعته😅 جااااا جماااعتي وينكككم اليوم اجيكم من البصرة وينكم

الي يحطون تعليقات بين فقرات وينكم 😍😃 اموتن عليكموووو   بالنون والواو😁👌وغلسو عالسحكات لا ب🔪🔪🔪

البارت الثالث

حتى وان أخذتك الأيام بعيداً وكان ما بيني وبينك فراق بحجم مجرة ستبقى حاضراً في قلبي وذاكرتي...

خُذ بيدي إلى مدينةٍ لا يَزورها الفراق....💔

في ذاكرتي ألف حكاية فراق، أتلوها على قلبي في المساء...
أواسيه بها حتى لا يقتله الألم..نبدو بخير رغم الفراق أنا وأنت لم يقتلنا البعد لا نزال نمارس الحياة بشكل معتاد........

*****************************

كاعدين بأمان الله ويجيهم خبر مثل الصاعقة..بأنو ملك مشمور يم باب بيت من البيت ومزرف ازرف بالرصاص..ويمه مسدس...

شمعة وسيلة سمعو صوت الولد بالديوان..وشهم يصيح مللكك اخوووي...شمعه خاتون رجليها بادن تريد تطلع تشوف شصار...

بس مايتحركن رجليها..لطمت عليهن وكالت..يمه وليدي وسيلة لحكي...وطلعت ركض وسيلة..وراها شمعة وتشوف ولد وسيلة فزعو...

محد بقه لا عزام ولا ابوه شهم ومنصور واسد راحو كلهم...بس عيسى ويبجي..ومافاهمين شي...

وسيلة كلبها وكف:ولك عيسى شبي اخوك ملك

عيسى ايديه ترجف ويبجي:ملك مصوب بهواي رصاص وشامرينه..ويريد يكمل مايكدر..من لطمت امه صدرها..وشمعه خاتون لطمت راسها وصاحت يمه وليدي...

وكعدت وسيلة تهديها وهي تبجي ومخبوصة..واجت ميامين وهم سمعت وظلت تطلم وتبجي..وتنوح بالعتبة..وسماح يمهم...

وياهم من صعوبة الموقف ماتكدر تنطق بمواسات لأمه..وظلت لازمة حلكها وتبجي..وابو ليال راح وياهم جان يمهم اصلاً...

بالمستشفى...

ابو عزام شاف ابنه غركان بدمه..وكلوله البقية بحياتك..لطم صدره حيل بقبضة ايده..وصاح ملللللك..ولك انته بطل شلون هيج..ملك انته ملك...

جسمك مليان جيلات..ولك شلون كدرولك..والله لفجع كلبهم مثل فجعتي بيك...وظل مايعرف شيكول وعزام لزم ايدينه لا يلطم راسه...

ويكول جيبو الي جيبو..الموت الملك جيبوه..حطو بيدي..وعزام يحجي وياه ودموعه اطيح وعبراته مسيطرة على كلامه...

طاح عليهم الشيخ من فجعته بأبنه..وصار الركض والصايح ماله والي..ونقلوه للطوارئ..صابته جلطة...

والمستشفى انملت ناس..وعمامهم ولدهم وكلمن سلاحة بيده وينتظرون بس شي واحد..اشارة او علامة..حتى يهجمون بيت الي تعدى على ملك...