السلام عليكم وليلة جمعة مباركة
اعذروني عالتسحك ماراجعه مالحك 💔
البارت ال33
كلبي هواج يليله سودة مليانة نجوم ضويانه..بعد عليمن هيج وياي بكلبج حيرانه...
بس سمي بسم الله وتعاي بكلبي نامي هنانه....
(ويأشر لكلبه)
~~~~~~~~~~~~~~~~~~~~
حبوبه شريفة كعدت بالهول وكالت يمه رجليناتي توجعني..عيسى كعد يمها ويعصرهن الها..يكلها بس عوجيتج حجية وخريها...
كعد يصنف عليها اكل كلبها نفس حويكم وشوية واجه منصور ويابويه صارت فلم..وذولي الثنين مايتسحون...
كلنه كاعدين بالهول..اجت عمه شمعة..اما نرجس وفضة بالمطبخ..ونور تغسل ملابس جهالها..وسكينه همين وتركض وره ابنها...
ونور صايرة لا تطاق كلش..وحامل خبصتنه عبالك اول طفل الها..وتكول اسد ميقبل اسوي شي وميقبل اتحرك..ويخاف عليه..ولاب لاب...
عمة شمعة تكلها مو بزر نفاس يخاف عليج لو اول جاهل تجيبينه..لا تتحجين برجلج مالازك بعلج ابنج...تنخلس وتباوعلي بحقد عبالك انه الحجيت....
اميرة بالدوام..والجهال كلهم مو هنا مدارس..وانه الوحيدة كاعدة لا شغله ولا عمله..مابيه اتحرك بصعوبة...
بسرعة افحط واتعب..يصير عندي الم بطني من جوى بصفحة وحدة..لو اسوي اي شي...
كلها تكلي شو ماجبتي صعدت الدرج تسوي ولادة للحامل بكد ما متعبة اشو انتي ماجبتي..اكلهم غير مو وكته...
عمه شمعة تكول يمه رجلج هو يولدج..وانه اسمعها بتمعن وتسائل واكلها شلون هاي...تضحك وتكول يمه شسالفة ليال شلون صارو هالثنين ابطنج شكد فطيرة....
يمااا وافهم عليها هنا..ويبووو الفشلة..شمدريني من كالت يولدج..تخيلت عزام يحط طشت ماي ورجليه مشنكلات ويولدني صدك...
عززززاااا التخيل الا بشده..وكل شوي يكلي شدي حيلج يابه كولي ياعلي كولي يالله..يممااا شكد عوبه انه وتخيلي التعبان....
تعبت كلش من الحمل اريد اجيب وارتاح صايرة ماعندي صبر..هواي تغيرت صايرة وحدة ثانية مو ليال الأولية...
ومتشوقه لوجه طفلي..اريد افرح بي واشوف الفرحة بعيون عزام من يشيله بيده...
كعدت استمع لعيسى ومنصور وحبوبه يداهرون..وعمه شمعة وسيلة يسولفون بحدهن...ناقصنه عزام حبيبي...
والكعدة حييييل ناقصها حاكم يشاركها ويصنف حبوبه شريفة..ضحكت وظليت اتخيله وياهم..ويكلها شروفة الصاكه دوم....
عيسى:حبوبه شكلج مكتولة من جدي لو لازم من الصبح..مكسرين كاشية الحمام لأن رجليج توجعج
حبوبة شريفة ضربته بالعوجية:تكسرت بصماخك كون..شعندي سابحة من الصبح..وجدك بي دفعة حتى يكتلني
أنت تقرأ
الحليب المُر
Romanceقصة حقيقية تبدأ قبل 25 سنة عن بنية تعيش بيت الشيخ وربت عدهم وهو سماها من ولدت تكبر وتعشكه...واخوه يحبها بنفس الوقت...شاءت الاقدار وتصير حليلة اخوه...وهنا تبدي رحلة عذابها ويه عشك الشيخ.......... يكلها ليله نجوم وجهج حيرني وخلني ليل ونهار صافن بوجهج...
