قصة حقيقية تبدأ قبل 25 سنة عن بنية تعيش بيت الشيخ وربت عدهم وهو سماها من ولدت تكبر وتعشكه...واخوه يحبها بنفس الوقت...شاءت الاقدار وتصير حليلة اخوه...وهنا تبدي رحلة عذابها ويه عشك الشيخ.
يكلها ليله نجوم وجهج حيرني وخلني ليل ونهار صافن بوجهج احسبهن...
ماتعرف ليش من لكت الكلادة هاي وهي تتوتر بحضوره ومن صغرها عدها الشيخ مثل ابوها..وهسة ماتعرف ليش نبض كلب هالمراهقة اله....
يباوع لسبحته ومبتسم بحزن:جانت مثلج بريئة وطيبة وتحب الحياة..مدري شوكت بده الكلب يهواها..وماذكر يايوم..بس اتذكر بنت ال18 الي تعبر كل يوم على بيتنه هي وابوها..عرفت اسمها من صاح عليها ابوها...
ليال يابه لا تلتفتين عيب يابه..وسلم عليه..جان عدهم هوش يكرم السامع..وكل يوم ياخذونهم للكيعان الي بيها كصب وحشايش...وكل يوم تمر كبال عيوني..ومرة ابتسمت الي...وسكت...
كلبها ظل ينبض حيل مو مصدكه الشيخ جاي يحجيلها مشاعره..فتحت عيونها وسدتهن..وهي تنتظره يكمل الفضول والحزن الي اجاها متدري ليش...
كمل كلامه:والكلب هواها بدون كلام جانت مجرد نظر بالعيون..ليال بنت الفلاح فلييح الي تعبر على بيت الشيخ هي وابوها كل يوم..جانت وحيدة ابوها..واجه يوم قررت اروح لبابهم انه والشيخ جليل الله يرحمه..جان الخير مغركنه والحمدلله..بس بنفس اليوم صارت طلابة بيتهم..مرة حامل سحكتها وحدة من هوش الحجي فليح..والحرمة ماتحملت ماتت هي والجاهل..والحجي ماعنده فصل..وصارت الي هواها كلبي فصل لبيت هذول الناس الماتت بنيتهم وطفلها..وبعد ماشافت عيوني ليال كالو انتقلو من الديرة هي والي اخذها فصلية
حزنت ودموعها نزلت ومسحتهن:هاي احزن قصة سمعتها يعني هسة ليال بيا ارض مامعروف
كمل كلامه:ازوجت بت الشيخ..وصغت كلادة ذهب بأسم ليال وكلت اول بنية اليه اسميها على اسمها........
تصميم التميمية....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
