الحليب المُر

غلط منوو؟؟؟

السلام عليكم وجمعتكم مباركة احبابي🌹🌹🌹

اريد اكول شي واريد تقرون بتمعن وابداً ابداً هالتنويه مو للدفاع عن ليال لأنها البطلة لا ابداً  راح اكول الحق

اكو البعض يكتبولي تعليق عتاب وكأني اني الي زوجت ليال ونرجس ورأيهم احترم رأي الجميع وجان بأحترام وعلى راسي  احب ارائكم كلكم ومازعل ابداً او اضوج

بس اني كتبت قصة ليال مو معناها اني وياها وادافع عنها..ليال غلطت ومرتين مو مرة وهي كلها غلط حبت رجال مزوج

ومادافع عنها بس الكلوب مو بيدنا خلو روحكم بمكانها وشخص تحبينه والهوى مو بيدنه الحب مايعرف عوائق الحب مايعرف عيوب ابداً

وكل وحدة هسة هنا خل تكلي لو حباج شخص وحبيتي واجاج بالحلال راح ترفضين..للبعض مو للكل لو عنده مرة تقبلين وانتي غركانة بحبه....؟؟؟؟

شوفة عينكم ليال رفضته مرتين وتمسك بيها وكلها ماقبل بالرفض..يعني انضغطت وهو حسب كلامه حك ليال لوما شايفة القصيدة جان ماعترف بمشاعره الها ابداً...

بالرغم يعرف مشاعرها اله..بس جان يشوف غلط ومايريد يظلم اثنين..لا هي ولا نرجس وهو عقيم تقريباً عذرا للكلمة واحترامي للشيخ

بس هو خسر مرة ليال وماراد يخسر ليال ثانية..تفهمووني

نجي لغلط منو بهاي كله...الغلط منهم تلاثتهم..ليال يوم فكرت بشخص اكبر منها بهواي ومزوج...

وغلط نرجس يوم الفتحت عيون عزام عليها اكثر..احذري من هالموضوع مو هين تكعدين تحببين زوجج بوحدة بكثرة سوالفج عنها بت عمتي كلت نفس التبن حشاكم...

ونرجس غلطها مرة ثانية انها قبلت بكل هاي وتنازلت عن عزام بسهولة..وغلطها الأكبر انها زوجتهم حتى لو فكرت بسعادته مجان لازم تتنازل

فالثنين غلطانين..وهاي نرجس اليوم راح تحظر التعليقات وجهتلها دعوة جانت متحضرهن بس تنطيني شوية من احداث حياتها وتحفظت على بعضها

ابداً  ماريد اصير سبب خراب بعض المراهقات واخليهم يفكرون انو كل حب صح او الزواج من الثانية صح وشي عادي لا ابداً ربي يشهد عليه

حتى من كتبت تفاصيل الزواج مالتهم تحفظت على المراهقات الي اتابع وماريد اكون سبب انحراف لو واحد بالمية

ومن كتبت قصتهم مو معناها صرت ضد نرجس او ايدت الزواج من الثانية او صرت مناصرة حك ليال وهي حييل غلطانة
ُُ

وليش تستعجلون الاحداث اكو هواي اشياء راح تخلي ليال تكتشف غلطها بس صبركم علينه

وحتى ليال غلطت بزواجها من حاكم وهي بكلبها اخوه وكلش غلطت بس جانت محتارة وشفتو شسوة علمودها وهي ماخانته ذرة حتى لو مانست عزام مو معناها خاينة حاكم مو بيدها مشاعرها

ولا تنسون العاشته من مُر ويه حاكم خلاها ماتنسه الحب الي بكلبها..

اريدكم تعرفون انو غلط تقبلون بالزواج وانتم بكلبكم شخص ثاني تظلمونه وتظلمون نفسكم سواء جان بنية او ولد

ولازم تعرفون انو حياتنه بيدنه نرسمها بس للقدر دور كبير همين

الخلاصة من كل هاي اني ابداً مو ويه احد لا الشيخ ولا نرجس ولا ليال ولا ارضه بالزوجة الثانية الا بحالة ظروف واسباب قوية مثل ناقص اهتمام او ماتجيب اطفال مرته

وتحياتي لنرجس اليوم منوره الواتباد حبيبه 🌹⚘

وملاحظة من ليال..انه صح غلطت بزواجي من عزام والضرة مو شي عادي وهين بس هم جنت راح ارتكب غلط ثاني مرة ثاني وهو ازوج شخص ثاني وانه افكر بغيره وراح اظلم نفسي واظلمه مثل ماصار ويه حاكم..مازعل من كلامكم وكله على راسي وكلكم اخواتي والكبار امهاتي...

تحياتي ومحبتي الكم لأنكم جاي اتابعون قصتي..وحيل دوخنه اساور خلي تسامحنه ومشتاقة للتميمية حيل هواي اكلت رزايل منها ههههههه..ودمتم بحفظ الرحمن....

اسفة للأطالة عليكم بهذرتي 🙈 نهاركم سعيد احبابي

لتكولون بارت 😁 ماكاتبة ولا حتى مقدمة 😂😂😂 ابو الجواسم يمي وشعر مابقه براسي 😁💔 يسلم عليكم ويكول الا اشتكي عليكم 😂😂😂😂😂😂😂😂

اساور المزعجة تحبكم 😘