الحليب المُر

بارت ال38

السلام عليكم

البارت ال38

هنا انطفئت شمعة لهفتي على الحياة..لقد كان سنداً لقلبي وفرحة لأيامي المظلمة....💔
.
.
.
.
.
.
.
.
.
.
.
.

جيهان....

جنت توني منومة حاكم..وحبيبي رجع يسعل موتني قهر..انطيته دوه ونام..حطيته بفراشه ارد انام..غسلت اسناني...

رحت لفراشي..اريد انام تغطيت..سمعت الباب انفتح..عرفته اجه سويت نفسي نايمة..اجه يمي وخر الغطه عني...

حط وجهه يم اذني وكال جيهان..سامحيني ضربتج اليوم..اسف وداعتج ساعة غضب..بس اريدج تعرفين انه احبج وروح الغوالي كلبي يوجعني ضربتج....

رفعت راسي اله...وكتله...تسرعت وماصدكتني من كتلك فضة كلتلي..وخرت عنه بعيد..اجه عليه مرة ثانية...

شهم:حقج عليه..مالومج وانه تسرعت..وانتي تضمين عليه جيهان متكليلي شي

التفت عليه:شهم انته عايش وياها سنين وتعرفها..شبيك نعمت عيونك عنها..ودرت وجهي عنه..روح مو المفروض تكون يمها اشو جاي يمي

شهم:اعرفها بس تسودنت من شفت الحبوب..ومن شافوج الزلم..من ولد جارتنه بالشقة جنت اخاف عليج وهمه زغار مو هنوب هذول شافوج تخبلت ماكمت اشوف كدامي

كتله بعبرة:طلعت مستورة..واي عصبت بس مو تضربني انه لو غلطانة استاهل وماحجي بس مالي ذنب هي كلتلي شهم يصيحلج..شمدريني لا سمعت صوت لا شي كبل طلعت..والحبوب لشنو اخذهن مافكرت انته

شهم:انتي فاهية جيهان وعصبتيني بفهاوتج..شوي صيري قوية وماتضيعين حقج..ماكلج سوي مشاكل بس لا تصيرين فاهية وغبية

كتله بزعل:انه فاهية وغبية شكو جاي تراضيني لعد..ابتعدت عنه كلش لطرف السرير..زعلني فوك ماضربني....

شهم تأفف:جيهان كتلج اسف..ساعة غضب ضربتج..بعد مستحيل اصدك عليج شي..ومن اكلج غبية وفاهية من قهري عليج..انضربتي بسبب غباءج

لزمت عبراتي:كافي شهم جاي تراضيني لو تهزئني..صاير كلبي مايثق ولا يسامح..كمت وجراني من ايدي قبل لا اكوم...

سطرني على مكاني..وخلاني جواه..هو وثكله كله صار فوكي نام عليه طول بطول..حتى اختنكت..وحط وجهه بوجههي...

شهم:كافي زعل ماريد نكضي حياتنه بالمشاكل..مثل حياتي السابقة..نكد صياح حجي..شك مشاكل..تعبت من المشاكل طفرت من حياتي بسبب المشاكل..وانتي عشتي ايام صعبة خلينه نصلح الي بينه

اريد ارفعه عني ماكدرت:شهم اذا الي جايبج تعتذر مني الي ابالي..لا تزعلني اكثر منك..وخر عني

شهم كام عني ونتر بيه:انتي هاي ظنج الجايبني الج..والله انتم النسوان نفس الشي ماتختلفين عنها طلعتي..صارلي سنة مامقربلج بيوم شفتيني اجيتج غصب